Pse u rrëzua regjimi i Bashar al-Assad? Paskal Milo: Mund të ketë pasur pakt Rusi-Iran-Turqi
I ftuari i mbrëmjes së sotme në podkastin “Të Pashoq”, në kanalin e “Pamfletit” në YouTube” ishte diplomati Paskal Milo. Ai u ndal te ajo që po ndodh në Siri, teksa ka shpjeguar se përse ra Bashar al Assad.
-Cilat janë prapaskenat e rrëzimit të Assad?
Mendoj se do zbulohen prapaskenat, pasi mund të jenë disa. Mund të jetë lëvizje pas rrethanave të reja në Lindjen e Mesme dhe mendoj që Rusia, Irani dhe Turqi kanë qenë shtete që është e pamundur të mos kenë qenë në dijeni se çfarë po ndodhte. Për të mos thënë se këto 3 shtete kanë gisht në zhvillimet në Siri. Ju mund të thoni se a do pranonte Rusia t’i ikte një regjim si ai i Assad që e kishte në komandë, që përfaqësonte interesa strategjike dhe çdo ndodhë me Rusinë? Do tërhiqet nga Siria? Çfarë do ndodhë me dy bazat e saj? Po kështu edhe për Iranin. Ose shohim që Turqia është tashmë shteti më përfitues për sa ka ndodhur në Siri. Mund të ketë një pakt të fshehtë, mes Rusisë, Turqisë dhe Iranit, lidhur me këtë skenar. Mund të ketë një ridimenisonim të tyre për të ripërcaktuar hartën politike të influencës në Siri. Duke e larguar Assadin për të sjellë, ose të përpiqen të sjellin lojtarë të rinj me një të pakonsumuar, që të vazhdojnë politikën e tyre.
-Tani që kanë dal të fshehtat, ku lajmet janë tronditëse. I referohem situatës në burgje. Njerëz të vrarë dhe torturuar. Nga ana tjetër kemi pasuri të frikshme që është gjetur. 200 ton ar, qindra apartamente, jahte etj.
Gjithçka ka qenë në dorën e këtij diktatori, ose të familjes. Ajo familje ka mbi 50 vjet që sundon. Që në vitin 1967, kur gjenerali i asaj kohe, babai i Basha al Assad, organizoi një grusht shteti, erdhi në pushtet. Vendosi regjimin e vet dhe sundoi deri në vitin 2000 dhe ja la trashëgim djalit. Në 50 e ca vite regjime të tilla që janë disi normale në lindjen e Mesme. Kujtoni regjimin e Sadam Hyseinit. Regjimin në Iran apo Libi. Janë bazuar në diktatura që ushtrojnë persekutim sistematik ndaj çdo kundërshtari.
