Tensione mes Boçit dhe Maznikut, bashkëkryetari demokrat braktis komisionin për Reformën Territoriale

Është shoqëruar me tensione seanca dëgjimore me kryebashkiakët e qarkut Fier, në komisionin parlamentar që lidhet me Reformën Territoriale. Bashkëkryetari demokrat Luçiano Boçi ka braktisur seancën, pasi bashkëkryetari i mazhorancës Arbjan Mazniku i hoqi mikrofonin duke mos e lejuar më të vazhdonte mbante fjalën. Boçi ishte duke bërë parashtrime, të cilat u konsideruan si abuzime të opozitës nga ana e Maznikut. “Nuk mund të vazhdohet me abuzimin sistematik nga ana e opozitës. Të merret fjala në mes të pyetjeve për të bërë parashtrime ndërkohë që s’ka folur askush nga mazhoranca”, u shpreh Mazniku.