Samiti i NATO-s/ Starmer përqafon Zelenskyy-n në takimin e tyre të parë pas marrjes së detyrës

Keir Starmer dhe Volodymyr Zelenskyy

Ndryshimi i stafetës në Downing Street nuk do të bëjë “asnjë ndryshim” në mbështetjen e Londrës për luftën e Kievit kundër pushtuesve rusë, siguroi sot kryeministri i ri britanik Keir Starmer presidentin ukrainas Volodymyr Zelenskyy, gjatë takimit të tyre në Uashington.
“Sapo pata një takim shumë të mirë me Presidentin Zelenskyy në të cilin e bëra të qartë se për sa i përket Mbretërisë së Bashkuar, një ndryshim i qeverisë nuk ka asnjë ndryshim në mbështetjen që do t’i ofrojmë Ukrainës’’, u tha Starmer gazetarëve në Uashington.

Keir Starmer mori detyrën të premten pasi fitorja e laburistëve në zgjedhje i dha fund 14 viteve të sundimit konservator në Britani. Pavarësisht dallimeve të tyre thelbësore, laburistët dhe konservatorët ndajnë pikëpamjen se është jashtëzakonisht e rëndësishme të ofrohet ndihmë ushtarake për Ukrainën në mënyrë që të zmbrapset pushtimi rus, i cili filloi në shkurt 2022./ZËRI
Burimi