Aksidentohet rëndë 4-vjeçari në aksin Klos-Burrel

Një i mitur është aksidentuar rëndë këtë mbrëmje në aksin rrugor Klos-Burrel.

4-vjeçari është përplasur nga një furgon që drejtohej nga një 52-vjeçar. Ky i fundit, sipas policisë, humbi kontrollin e mjetit dhe doli jashtë rrugës, duke goditur fëmijën, që aktualisht po transportohet drejt Spitalit të Traumës.
Drejtuesi i automjetit është shoqëruar në Komisariat për veprime të mëtejshme, ndërsa grupi hetimor po punon për zbardhjen e shkaqeve dhe rrethanave të aksidentit.
Ky është aksidenti i disatë që raportohet këtë të enjte. Më herët, shoferi i një automjeti në Bulqizë, po ashtu humbi kontrollin, duke përplasur për vdekje një këmbësore.
Ndërkohë, një aksident i rëndë ndodhi gjatë natës së kaluar në Fushë Prezë, ku një makinë u përplas me një betoniere dhe më pas shpërtheu në flakë. Për pasojë, humbën jetën tragjikisht shoferi dhe tre pasagjerët që ndodheshin në mjetin tip “Benz”.

Top Channel
Burimi