Ndeshjet në Ligën e Kombeve, Sylvinho publikon sot listën për dy takimet e tetorit; ka surpriza

Sylvinho 

Trajneri i Kombëtares, Sylvinho do publikojë sot (e premte) në orën 11:00 listën e futbollistëve të ftuar për dy ndeshjet e tetorit në Grupin B1 të Ligës së Kombeve.
Kuqezinjtë luajnë kundër Çekisë dhe Gjeorgjisë në udhëtim, më 11 dhe 14 tetor. Pas fitores kundër Ukrainës dhe humbjes me Gjeorgjinë në Tiranë një muaj më parë, trajneri do bëjë publike edhe listën me 24 ‘luftëtarët’.
Mungesë e sigurt është ajo e Brojës e Medon Berishës, teksa shqetëson edhe gjendja e Manajt dhe Gjimshitit. Me interes pritet nëse braziliani do prodhojë sërish surpriza, si herët e tjera. Rikthimi i Muçit duket i sigurt, ashtu si afrimi në ekip i kapitenit të U-21, Adrion Pajaziti. Me ekipin e parë mund të afrohet për herë të parë edhe Indrit Tuci.sylvinho 
Burimi