Kush i qëndroi pranë Shakirës pas ndarjes nga Pike? Rrëfehet këngëtarja

Këngëtarja me famë botërore Shakira, ka rrëfyer së fundmi se kush ishte personi që iu gjet pranë në periudhën kur ajo u nda nga Zherard Pike, pas 11 vitesh së bashku.
Ajo tregoi se kohën kur u nda me futbollistin kolumbian e konsideron si një periudhë mjaft të vështirë dhe pranë saj ishte Kris Martin.
Këngëtarja shton se ai i shkruante çdo ditë për ta pyetur si është dhe ishte gjithmonë aty për t’i dhënë mbështetjen që i duhej.
“Ai ishte aty për mua kur u ndava dhe u lëndova. Më dërgonte mesazhe çdo ditë për të parë se si po ecja, më dërgonte fjalë mbështetjeje, më jepte forcë dhe më dërgonte citate”,  tha këngëtarja.
Më pas ajo iu referua mikut të saj të mirë, duke thënë se mendon se ai është një person shumë empatik, duke vënë në dukje se Kris Martin është gjithashtu shumë i ndjeshëm.
“Ai është një person që e sheh jetën nga një kënd tjetër, i cili është i ndjeshëm ndaj nevojave të njerëzve të tjerë dhe është shumë i dhembshur”, tha Shakira.
Shakira dhe Pike njoftuan ndarjen e tyre në qershor të vitit 2022, pas 11 vitesh lidhje dhe dy fëmijëve.
“Me keqardhje konfirmojmë se po ndahemi. Për mirëqenien e fëmijëve tanë, që është prioriteti ynë më i lartë, kërkojmë që të respektoni privatësinë e tyre”, thuhet në një deklaratë të përbashkët.
Pak më vonë u zbulua se shkak për ndarjen e tyre ishin pabesitë e futbollistit. Madje, brenda një kohe shumë të shkurtër, Pike është shfaqur në publik me partneren e tij të re, 25-vjeçaren Klara Kia.shakira këngëtarja me famë botërore zherard pike
Burimi