A do të udhëtojë Xhaka në Beograd? Trajneri i Zvicrës i prerë: Nuk e konsideroj fare, do të luajë ndaj Serbisë

Zvicra do të luajë këtë muaj dy ndeshje mjaft interesante, të vlefshme për Ligën e Kombeve. Më datë 12 tetor do të përballen në Beograd me Serbinë, ndërsa 3 ditë më vonë do të presin në shtëpi Danimarkën.
Trajneri  Murat Jakin ka publikuar ditën e sotme listën e lojtarëve që ka grumbulluar për këto dy ndeshje mjaft të vështira. Në media u përfol se Granit Xhaka mund të lihej jashtë pas polemikave në ndeshjet e fundit përballë njëra-tjetrës. Po ka qenë vetë tekniku, i cili ka përjashtuar çdo mundësi për të mos e përfshirë mesfushorin shqiptar.
“As që e kemi marrë në konsideratë të mos e marrim Granitin me vete në Serbi. Natyrisht se është një ndeshje emocionale, por s’kemi pse i hapim gjithmonë rrëfimet e vjetra,” u shpreh Jakin.
Një deklaratë që konfirmon rëndësinë e Xhakës për ekipin dhe qasjen profesionale ndaj një ndeshjeje me ngarkesë të madhe emocionale.murat jakin trajneri i zvicrës granit xhaka
Burimi