Pamja më e detajuar e Diellit ndonjëherë! Teleskopi zbulon vorbulla të padukshme më parë në sipërfaqen diellore

Një ekip ndërkombëtar shkencëtarësh ka realizuar imazhet me rezolucionin më të lartë të regjistruar ndonjëherë të sipërfaqes së dukshme të Diellit, duke zbuluar për herë të parë vorbulla të vogla në fotosferë. Zbulimi, i publikuar në revistën Nature, mund të ndryshojë mënyrën se si shkencëtarët e kuptojnë aktivitetin diellor dhe ndikimin e tij në Tokë. Vëzhgimet u kryen me teleskopin diellor Daniel K. Inouye në Hawaii, teleskopi më i fuqishëm diellor në botë. Duke kombinuar imazhet me simulime të avancuara kompjuterike, studiuesit analizuan një rajon magnetikisht aktiv pranë një njolle diellore. Pamjet zbuluan struktura të vogla vorbullash përgjatë kufijve të kokrrizave që mbulojnë sipërfaqen e Diellit. Rezolucioni i arritur është aq i lartë sa krahasohet me aftësinë për të dalluar një monedhë prej një euroje...