VIDEO/ Ra nga mjeti lundrues dhe rrezikoi të mbytej, shpëtohet i riu në Himarë

Pamje nga operacioni i Policisë

HIMARË-Shpëtohet nga mbytja një 23-vjeçar në Vlorë. Ky i fundit raportohet se ra nga një Jet Ski me të cilin po lundronte. Në ndihmë i kanë shkuar efektivët e patrullës detare në Himarë. Po ashtu në ndihmë i ka ardhur dhe një qytetar që po lundronte me kanoe. Ai ndodhet në gjendje të mirë shëndetësore. 

NJOFTIMI I POLICISË:
Policia Kufitare dhe Njësia Policore Detare i shkuan në ndihmë një shtetasi që ra nga mjeti lundrues në det dhe rrezikoi të mbytej. Në ndihmë të 23-vjeçarit shkoi edhe një shtetas që lundronte me kanoe në afërsi të tij. Policia Kufitare nxori në breg mjetin lundrues Jet Ski dhe 23-vjeçarin. Rreth orës 17:15, punonjësit e Policisë Kufitare në Himarë, gjatë patrullimit në hapësirën detare, kanë konstatuar një mjet lundrues tip Jet Ski, i cili po lundronte në drejtim të Porto Palermos në Himarë. Në një moment, shtetasi që lundronte ra nga Jet Ski duke rrezikuar mbytjen.
Menjëherë, mjeti lundrues i Policisë Kufitare dhe dy Jet Ski të Njësisë Policore Detare, u nisën me shpejtësi për t’i dhënë ndihmë shtetasit që ra nga Jet Ski në det. Në afërsi të këtij shtetasi lundronte me kanoe një shtetas i cili i shkoi në ndihmë së bashku me Policinë Kufitare. Punonjësit e Policisë morën në mjetin lundrues 23-vjeçarin banues në Fier dhe e nxorën në molin e PKK Himarë në gjendje të mirë shëndetësore. Shtetasi falënderoi Policinë dhe qytetarin me kanoe që i erdhën në ndihmë menjëherë. Policia Kufitare nxori në mol edhe mjetin lundrues Jet Ski./ZËRI
Burimi