U gjet pa ndjenja në dush, ndërron jetë i burgosuri në spitalin e Rrogozhinës

Foto ilustruese

RROGOZHINË- Një tjetër i burgosur ka ndërruar jetë në spital ditën e sotme. Erlad Helshani, 43 vjeç, u gjet pa ndjenja në dush nga të burgosurit e tjerë dhe më pas u dërgua në spitalin e Rrogozhinës, ku ka ndërruar jetë.
Helshani trajtohej për hipertension dhe nivele të larta të yndernave në gjak.
43-vjeçari ishte dënuar me 4 vite e 8 muaj burg, pasi akuzohej për prodhim të lëndëve narkotike.
“Mëngjesin e sotëm, më datë 26 gusht 2024, në Spitalin e Rrogozhinës ka ndërruar jetë shtetasi i dënuar Erlad Helshani, i lindur më 23 shkurt 1981 dhe banues në Kavajë. Helshani u gjet pa ndjenja nga bashkëvuajtësit e tij, ndërsa po lahej në dush. Pavarësisht ndërhyrjes së menjëhershme të mjekut të institucionit, i cili e shoqëroi drejt spitalit, Helshani ndërroi jetë në orën 09:15 në Spitalin e Rrogozhinës.
Helshani trajtohej për hipertension dhe nivele të larta të yndyrave në gjak gjatë qëndrimit në IEVP Rrogozhinë. Ai ishte i dënuar me 4 vite e 8 muaj heqje lirie për prodhim të lëndëve narkotike.
Ngjarja po hetohet dhe janë ndjekur të gjitha procedurat e nevojshme. Janë njoftuar menjëherë Shërbimi i Kontrollit të Brendshëm në Burgje (SHKBSB), Komisariati i Policisë Rrogozhinë, Prokuroria, dhe familjarët e të ndjerit.
Drejtoria e Përgjithshme e Burgjeve shpreh ngushëllimet e saj më të sinqerta familjes së të ndjerit”, njofton policia. /ZËRI
Burimi