U arrestua se kërcënoi Dukën, Selmani: E kam mik, ndodhi në gjaknxehtësi e sipër

Nazmi Selmani dhe Armand Duka

DURRËS- Kreu i klubit “Iliria” të Fushë Krujës, Nazmi Selmani, i cili u vu në pranga bashkë me djemtë e tij pasi akuzohen se kanë kërcënuar Presidentin e Federatës Shqiptare të Futbollit, Armand Duka, ka deklaruar se gjithçka ka ndodhur në gjaknxehtësi e sipër. Selmani është shprehur se me Dukën janë miq dhe se kërcënimi ka  ndodhur në rrethana gjaknxehtësie.
“Armand Dukën e kam mik. E kam kërcënuar në gjaknxehtësi e sipër,”- mësohet të jetë shprehur ai.
Çfarë ndodhi?
Konflikti mes Presidentit të Federatës Shqiptare të Futbollit, Armand Duka dhe Presidentit të klubit “Iliria”, Nazmi Selmani ka ardhur për çështje futbolli. Ka qenë Selmani ai që ka kërkuar favore nga Duka për klubin që drejtonte, por është refuzuar nga Presidenti i FSHF-së. Kjo gjë ka sjellë agravimin e marrëdhënies mes dy palëve. Fillimisht Selmani e ka kërcënuar Dukën përmes një mesazhi, më pas bashkë me djemtë e tij dhe një tjetër person i kanë shkuar në banesë.
Pas denoncimit, autoritetet kanë vënë në pranga:
-Nazmi Selmani, President i klubit “Iliria”,
-Redian Loci
-Petrit Selmani
si dhe dy djemtë e Presidentit të klubit “Iliria” që janë futbollistë në të njëjtin ekip,
-Brajan Selmani 20 vjeç dhe
-Santiago Selmani 22 vjeç.
Dy të tjerët, Adolf Selmani 24 vjeç dhe A.S, 39 vjeç, të dy banues në Krujë, janë proceduar në gjendje të lirë. 
Burimi