Tragjedia në Koçan, shtyhet samiti i liderëve të Ballkanit Perëndimor

Foto ilustruese

SHKUP- Zyrtarët e Bashkimit Evropian kanë anuluar takimin që do të mbahej me liderët e Ballkanit Perëndimor në Shkup për shkak të tragjedisë në Koçan. Takimi mes liderëve do të mbahej këtë javë në datat 19 dhe 20 mars në Maqedoninë e Veriut për të diskutuar për paketën financiare që do të jepet nga BE si pjesë e planit të rritjes.
Në orën 3 të mëngjesit të 16 marsit një klub nate në Maqedoninë e Veriut u përfshi nga flakët. Si pasojë e zjarrit kanë humbur jetën 59 persona dhe 155 të tjerë janë plagosur. Në ambientet e lokalit ishin mbi 1500 persona, të cilët po ndiqnin një koncert muzikor.
Dyshohet se zjarri është shkaktuar si pasojë e përdorimit të mjeteve piroteknike. Deri më tani janë ndaluar 19 persona, mes të cilëve edhe zyrtarë shtetërorë, ndërsa mbrëmë janë caktuar masa e paraburgimit për dhjetë persona. Disa nga të dyshuarit janë lënduar nga zjarri dhe ndodhen në spital./ZËRI
Burimi