Ktheu banesën në laborator e “dyqan” për shpërndarje droge, pranga 30-vjeçarit

droga e sekuestruar

TIRANË-Polica ka zbuluar një banesë në Tiranë që shërbente për përgatitjen dhe ndarjen në doza lëndëve narkotike. Brenda shtëpisë mësohet se janë gjetur 1 kg e 276 gram kanabis, kokainë dhe 1 pershore elektronike. Në flagranë është arrestuar një 30-vjeçar, i cili ndodhej në banesën e kthyer në ‘bazë’ droge.

Ndërkohë po punohet për identifikimin e personave të tjerë të përfshirë në këtë veprimtari kriminale.

Njoftimi i policisë:

Zbulohet një banesë që shërbente për përgatitjen dhe ndarjen në doza të lëndëve narkotike, me qëllim shitjen.

Sekuestrohen 1kg e 276 gram lëndë narkotike kanabis, sasi lënde narkotike kokainë, 1 peshore elektronike, arrestohet poseduesi.

Shërbimet e Komisariatit të Policisë Nr.6, në bashkëpunim me Seksionin për Hetimin e Narkotikëve të DVP Tiranë, në vijim të punës së panderprerë për goditjen e veprimtarive kriminale në fushën e narkotikëve, kanë finalizuar operacionin policor të koduar “Drug base”.

Si rezultat i këtij operacioni, u arrestua në flagrancë shtetasi S. R., 30 vjeç, banues në Tiranë .

Gjatë kontrollit në banesën e shtetasit S. R., shërbimet e Policisë kanë gjetur 1 kg e 276 gram lëndë të dyshuar narkotike kanabis, lëndë narkotike kokainë dhe 1 pershore elektronike, që u sekuestruan në cilësinë e provës materiale.

Punohet për identifikimin e personave të tjerë të përfshirë në këtë veprimtari kriminale.

Materialet procedurale i kaluan Prokurorisë, për veprime të mëtejshme./ZËRI