Kritikoi listën e PS-së/ Gazetarja: U kërcënova! Neomalësorja: Ju ka ngec sahati në të kaluarën, ndjej keqardhje
Marjana Koçeku dhe Kostana Morav
TIRANË- Neomalësorja, Marjana Koçeku ka reaguar ndaj kritikave të marra pas publikimit të listës së Partisë Socialiste në Shkodër. Koçeku shprehet se ajo po kandidon për të sjellë ndryshime në komunitetin e saj. Po ashtu, ajo iu përgjigjet komenteve që e krahasojnë atë me personazhe të komunizmit, se nostalgjia për sistemin totalitar është më e keqja që mund të ndodhë në një vend.
“Nuk due me u ndal hiq per me komentue nese do jem deputete e zgjedhun apo “e emerume”. Ky asht sistemi zgjedhor te cilit i perket ky cikel i jemi fillestar dhe per mue ma e randsishmja asht qe ajo cka due me sjell une per komunitetin tem, te vijn mes jush si nji frym pozitive. E sa per krahasimet me lenka cukot, si nji ish studente e shkencave politike, ndjej keqardhje qe disa prej juve u ka ngec sahati n’tkaluemen dhe ende e ktheni kryet mrapa per me gjet ndoj gja te ngjashme me periudhen e realizmit socialist. Sepse un personalisht besoj, se gjaja ma e keqe qe mundet me i ndodh nji kombi, asht nostalgjia per komunizmin; si rrjedhoje me vjen realisht gjynah për ju!”, shprehet ajo.
Ndërsa dy ditë më parë, gazetarja Kostana Morava ka denoncuar në rrjetet sociale një kërcënim që ka marrë pasi kritikoi kandidaturën e Neomalësores. Morava ka publikuar edhe foto të mesazheve me gjuhë fyese dhe thotë se stili i përdorur aty është tipik mafioz ku vë në dukje se emri i profilit të porsa hapur në TikTok mban emrin “Paketojmë tritol”.
Morava gjithashtu ngre pyetjen, “Kujt do ti shërbejnë në të vertete këta të rinj të parafabrikuar për te cilët punojnë fuqishëm zyrat e PR-it?”
Sipas asaj që rrëfen gazetarja gjithçka ka ardhur pas publikimit në rrjet të kritikavë ndaj listës se Partise Socialiste në Shkodër. Konkretisht neomalësores Marjana Koçeku, e cila është kandidate në listën e mbyllur të PS./ZËRI
900 0 1741988775×640 0 1741982440x8e6bb551 517a 4076 9f41 1a3a8194f6d7 260 200
900 0 1741989155×640 0 1741982435xdfa12644 a737 4aa4 987b 12dfdbfa69ee 304 305
