Alfred Peza dorëhiqet nga drejtimi i RTSH-së: Vendim i pakthyeshëm

Alfred Peza

TIRANË- Alfred Peza ka dhënë dorëheqjen si drejtor i RTSH-së, pasi e ka mbajtur këtë detyrë prej më shumë se një viti. Në letrën e tij të dorëheqjes, e cila i është dorëzuar Këshillit Drejtues të Radiotelevizionit publik, thuhet se vendimmarrja e tij është e pakthyeshme. Burime bëjnë me dije për ZËRI-n se dorëheqja e Pezës lidhet me një rol të ri drejtues që ai pritet të marrë në Top Channel. 

Peza u zgjodh në krye të RTSH-së, në qershor të vitit 2023, ndërsa është përballur vazhdimisht me akuza për punësime nepotike në pozitat drejtuese, si dhe largime masive të padrejta nga puna. 

Vala e shkarkimeve në RTSH shqetësoi sindikatat e medias në Shqipëri dhe në Evropë të cilët kërkuan të ndalohej kjo praktikë “presioni dhe ndëshkimesh” ndaj gazetarëve./ZËRI 
Burimi