Vijon zjarri në Malin e Dukatit, rrezikohet përhapja e flakëve

Vatra e zjarrit në malin Vastak, pranë fshatit Dukat në Vlorë, vazhdon të jetë aktive prej katër ditësh, ndërsa rritet shqetësimi për përhapjen e flakëve. Siç raportohet, ditën e djeshme u ndërhy me helikopter për të neutralizuar situatën, por zjarri vijon ende. Mësohet se mëngjesin e sotëm, 8 korrik, një grup i ri zjarrfikësish, inspektorësh të pyjeve dhe ekspertësh të zonave të mbrojtura janë nisur drejt vendit të ngjarjes për të parandaluar përhapjen e mëtejshme të zjarrit. Së fundmi, zjarret në disa zona të vendit kanë shkaktuar dëme të konsiderueshme në pyje dhe toka bujqësore. Ndër situatat më alarmante ishte...