Humbi jetën duke shpëtuar të tjerët nga zjarri në Koçan, tifozët e futbollistit: Guximi bën heronj të vërtetë!
Futbollisti i njohur Andrej Lazarov ishte një ndër viktimat e tragjedisë në Koçan, ku humbën jetën 59 persona dhe u plagosën 155 të tjerë.
I riu vdiq ndërsa ishte duke shpëtuar të lënduarit. Lazarov, një mesfushor qendror, i ishte bashkuar klubit të nivelit të dytë maqedonas FC Shkupi në shtator. I përshkruar nga shokët e tij të skuadrës si i përkushtuar, i përulur dhe plot zemër, ai ishte bërë shpejt një prani e vlefshme në dhomën e zhveshjes.
Tifozët dhe miqtë e tij shprehen se 25-vjeçari ishte i apasionuar pas futbollist dhe ishte gjithmonë gati kur ekipi apo komuniteti kishte nevojë për të.
“Si një shpirt heroik, Lazarov humbi jetën duke u përpjekur të ndihmonte të tjerët të shpëtonin nga mjedisi i djegur. Ai u helmua nga tymi gjatë përpjekjeve të tij për të shpëtuar jetë, duke treguar guxim dhe humanizëm deri në fund”, shkruan klubi.
Homazhet vërshuan në mediat sociale, me tifozët dhe lojtarët e tjerë që e quanin Lazarov një “hero të vërtetë”. Një përdorues shkroi, “Heronjtë e vërtetë janë bërë nga guximi”, ndërsa një tjetër tha, “Pusho në paqe, Andrej Lazarov. Ju vdiqët duke shpëtuar të tjerët. Ky është përkufizimi i trimërisë.”
Top Channel
Burimi
