Doku: Grup i hapur deri në momentin e fundit, ai është i rëndësishëm për ne edhe kur nuk shënon

Në Grupin E të Euro 2024 gjithçka është në ekuilibër të plotë, me 4 skuadra që kanë nga tri pikë secila. Ndaj, gjithçka do të vendoset në takimet e fundit në grup, ku Belgjika do të përballet me Ukrainën.
Jeremy Doku, sulmuesi i kombëtares belge dhe Manchester City, u shpreh: “A ndonjë në këtë Kampionat Europian është më i shpejtë se unë? Nuk e di. Këtë ua lë atyre që bëjnë statistikat”.
Duke folur për sulmuesin e kolegun e tij Romelo Lukaku, që i janë anulluar nga VAR tri gola, ai tha: “Lukaku luan i lumtur. Ai ka ndikim te skuadra, krijon mundësi për ne. Është shumë i rëndësishëm për ne. Ai nuk ka shënuar ende, por ka dhënë një asist”.
“Unë dhe Lukaku kemi një marrëdhenie të mirë. Kemi edhe guximin të jemi të sinqertë me njëri-tjetrin, si pozitivisht ashtu edhe negativisht. Nuk kemi të njëjtën moshë, por kjo nuk ka rëndësi”, tha më tej Doku.
“Tani jemi fokusuar te sfida e radhës ndaj Ukrainës, pasi duhet të fitojmë me çdo kusht që të avancojmë më tej. Do të jetë një përballje interesante, ku shpresojmë të fitojmë dhe të lëmë gjurmë këtu”, tha Jeremy Doku.
Burimi