Bashkëpunimi në projekte në marrëveshjen mes Universitetit të Arteve Tiranë dhe Akademisë së Arteve të Bukura në Catanzaro, Itali. Një delegacion i Universitetit të Arteve, i kryesuar nga rektori prof. dr. Erald Bakalli në datat 24-27 nëntor, me ftesën e drejtorit të Accademia di Belle Arti – Catanzaro – Itali, Arch.
Virgilio Piccari, realizoi një vizitë zyrtare pranë këtij institucioni. Përveç firmosjes së një marrëveshje bashkëpunimi me drejtorin e këtij institucioni të arsimit të lartë italian, në kuadër të ndërkombëtarizimit të studimeve dhe të projektit të arteve performuese “PERFORMING” të mbështetur nga fondet PNRR dhe takimeve institucionale me personelin akademik dhe administrativ, delegacioni i UA pati rastin të bëjë takime të nivelit të lartë përfaqësuesve institucionalë, në Lamezia Terme, si me presidenten e ABA Catanzaro, profesoreshën Stefania Mancuso, presidenten e International Cultural Fondation, profesoreshën Giovanna De Sensi, zëvendës presidentin e fondacionit, z. Francesco Sinopoli, drejtorin ekzekutiv të fondacionit, z. Pierfrancesco Pullia, prefektin e qytetit të Lamezia Terme, z. Castrese De Rosa si dhe përfaqësues të Bashkisë së Lamezias, në pozicionin e zëvendës kryetarit të bashkisë, z. Michelangelo Cardamone si dhe të këshilltares për Kulturën, znj. Annalisa Spinelli.
UA njofton se po ashtu, në kuadër të përurimit të rrjetit “Culture Med Hub” me moton “Arti, Shkenca dhe Kreativiteti për Mesdheun”, Fondacioni International Culture Foundation” në bashkëpunim me Accademia di Belle Arti di Catanzaro, më 26 nëntor, në Pallatin “Blasco” u përshkrua vizioni i ICF, për një cikël aktivitetesh kulturore e shkencore me profil të lartë ndërkombëtar që do t’i dedikohen bashkëpunimit euro-mesdhetar, duke vënë qendër idenë e një Mesdheu të aftë të gjenerojë forma novative të njohjes, dialogut dhe rritjes së përbashkët dhe ku traditat dhe vizionet e reja takohen për t’i dhënë formë një gjuhe të përbashkët të së bukurës. Gjatë kësaj vizite u firmosën marrëveshjet mes dy institucioneve artistike, UART dhe ABA Catanzaro, si dhe një marrëveshje e përbashkët mirëkuptimi me ICF, ku veç të tjerëve, firmosën dhe Universiteti i Libanit dhe Universiteti Salah Boubnider Constantine 3 -Algjeri. Gjithashtu u diskutua rreth një projekt – dokumentari të propozuar nga profesoreshat e ABA Catanzaro, Sonia Golemme dhe Simona Caramia, të titulluar “Gjuha e Zemrës” si dhe u vizituan institucionet kulturore të Rajonit të Kalabrisë si Teatri Politeamo Catanzaro, Muzeu i Arteve Catanzaro.
Tag: universiteti
-
Universiteti i Arteve dhe Accademia di Belle Arti -Catanzaro- Itali një marrëveshje bashkëpunimi për projektet
-
Athina po thahet për ujë, Greqia rrit nivelin e alarmit! Burimet bien me 30%, nëse nuk merren masa…
Universiteti Teknik Kombëtar i Athinës e ka regjistruar periudhën aktuale hidrologjike si episodin e dytë më të rëndësishëm të thatësirës së dekadave të fundit, pas periudhës 1988–1994.
Rajoni i Atikës (ku përfshihet edhe kryeqyteti, Athina), po përjeton një periudhë të prurjeve të reduktuara në rezervuarë që po zbrazen vazhdimisht dhe rezervave që po bien në nivele historikisht të ulëta, duke përbërë pamjen më të ashpër që sistemi i furnizimit me ujë të Athinës ka parë në më shumë se tridhjetë vjet.
Ditë më parë u dha alarm për rënien e nivelit të rezervuarëve, kurse tani paralajmërimi rritet në shkallë rreziku.
Sipas planit të menaxhimit të përgatitur nga Universiteti Teknik Kombëtar i Athinës në emër të EYDAP për periudhën hidrologjike 2025-2026, kriza nuk vjen nga mbikonsumi, por nga mungesa e ujit, informon “Protothema”.
Shifrat nuk lënë vend për optimizëm pa një plan pasi rezervuarët janë nën 30% të kapacitetit të tyre, Kifissos Beotian ka regjistruar pesë vite radhazi nën mesataren dhe humbjet në rrjet tani tejkalojnë 12%, duke mos arritur të përmbajnë sasi që do të ishin të mjaftueshme në periudha normale.
Athina nuk është në rrezik të menjëhershëm nga mungesa e ujit. Megjithatë, ajo është në rrezik nëse vazhdon të mos veprojë.
“Shpallja e Atikës, si dhe e Meganisit në Lefkada, pas Leros dhe Patmos, në gjendje të jashtëzakonshme për shkak të mungesës së ujit nuk është një veprim simbolik, por një domosdoshmëri që kërkohet si armë për t’u përballur me rezervat e kufizuara të ujit dhe për të marrë masa për projektet e nevojshme të infrastrukturës. Kjo i lejon shtetit, bashkive dhe EYDAP të anashkalojnë procedurat e tenderimit që kërkojnë shumë kohë dhe të vazhdojnë me projektet e furnizimit me ujë me procedura shumë më të shpejta”, shkruan gazeta në fjalë.
Shpallja e një zone në gjendje emergjence nuk e zgjidh problemin e mungesës së ujit, por vepron si një shumëzues shpejtësie. I mundëson shtetit të parandalojë në vend që të kurojë, me projekte për rezervuarë, tubacione, shpime të reja apo edhe menaxhim të burimeve me procedura të shpejta.
-
Athina po thahet për ujë/ Greqia rrit nivelin e alarmit
Universiteti Teknik Kombëtar i Athinës e ka regjistruar periudhën aktuale hidrologjike si episodin e dytë më të rëndësishëm të thatësirës së dekadave të fundit, pas periudhës 1988–1994.
Rajoni i Atikës (ku përfshihet edhe kryeqyteti, Athina), po përjeton një periudhë të prurjeve të reduktuara në rezervuarë që po zbrazen vazhdimisht dhe rezervave që po bien në nivele historikisht të ulëta, duke përbërë pamjen më të ashpër që sistemi i furnizimit me ujë të Athinës ka parë në më shumë se tridhjetë vjet.
Ditë më parë u dha alarm për rënien e nivelit të rezervuarëve, kurse tani paralajmërimi rritet në shkallë rreziku.
Sipas planit të menaxhimit të përgatitur nga Universiteti Teknik Kombëtar i Athinës në emër të EYDAP për periudhën hidrologjike 2025-2026, kriza nuk vjen nga mbikonsumi, por nga mungesa e ujit, informon “Protothema”.
Shifrat nuk lënë vend për optimizëm pa një plan pasi rezervuarët janë nën 30% të kapacitetit të tyre, Kifissos Beotian ka regjistruar pesë vite radhazi nën mesataren dhe humbjet në rrjet tani tejkalojnë 12%, duke mos arritur të përmbajnë sasi që do të ishin të mjaftueshme në periudha normale.
Athina nuk është në rrezik të menjëhershëm nga mungesa e ujit. Megjithatë, ajo është në rrezik nëse vazhdon të mos veprojë.
“Shpallja e Atikës, si dhe e Meganisit në Lefkada, pas Leros dhe Patmos, në gjendje të jashtëzakonshme për shkak të mungesës së ujit nuk është një veprim simbolik, por një domosdoshmëri që kërkohet si armë për t’u përballur me rezervat e kufizuara të ujit dhe për të marrë masa për projektet e nevojshme të infrastrukturës. Kjo i lejon shtetit, bashkive dhe EYDAP të anashkalojnë procedurat e tenderimit që kërkojnë shumë kohë dhe të vazhdojnë me projektet e furnizimit me ujë me procedura shumë më të shpejta”, shkruan gazeta në fjalë.
Shpallja e një zone në gjendje emergjence nuk e zgjidh problemin e mungesës së ujit, por vepron si një shumëzues shpejtësie. I mundëson shtetit të parandalojë në vend që të kurojë, me projekte për rezervuarë, tubacione, shpime të reja apo edhe menaxhim të burimeve me procedura të shpejta. -
3 milionë euro për roje, 0 lekë për kërkim: Universitetet në pikën më të ulët
Universitetet publike në Shqipëri po funksionojnë gjithnjë e më pak si qendra dijesh dhe gjithnjë e më shumë si struktura të mbyllura financiare, ku shpenzimet kryesore shkojnë për paga, roje dhe kontrata të fshehta. Të dhënat e publikuara nga Qëndresa Qytetare dhe raportimet e Kontrollit të Lartë të Shtetit japin një panoramë të zymtë: Transparenca mungon, kërkimi shkencor është në minimum historik dhe universitetet janë kthyer në institucione të drejtuara politikisht, jo akademikisht.
Kontrata të fshehta dhe refuzim transparence
Dy prej institucioneve më të mëdha të arsimit të lartë, Universiteti i Tiranës dhe Universiteti i Mjekësisë kanë refuzuar të dorëzojnë kopjet e kontratave të blerjeve, duke i klasifikuar si “sekrete tregtare”, bëhet e ditur në raportin e publikuar nga Qëndresa Qytetare. Kjo praktikë i heq publikut dhe studentëve të drejtën për të kontrolluar mënyrën si shpenzohen paratë e tyre.
Vetëm në vitin 2025, SPAK lëshoi 28 masa sigurie ndaj zyrtarëve të Universitetit Bujqësor për abuzime në 9 tendera me vlerë 900 mijë euro. KLSH propozoi 35 masa ndaj universiteteve dhe Akademisë së Shkencave. Sipas Qëndresës Qytetare, shkeljet nuk janë më raste të veçuara, ato janë bërë pjesë e kulturës së administrimit universitar.
8 universitetet publike shpenzuan 103 milionë euro në një vit. Por, 64% e buxhetit shkon vetëm për paga dhe vetëm 4.2% për kërkim shkencor. Në Korçë dhe Shkodër, shpenzimet për personelin arrijnë deri në 77%, duke i kthyer universitetet në institucione ku punon administrata, por nuk zhvillohet shkencë.
3 milionë euro për roje: Universitetet si institucione sigurie
Një nga anomalitë më të mëdha financiare janë kontratat për sigurimin fizik:
Universiteti i Tiranës – 1.65 milion euro
Universiteti i Elbasanit – 1 milion euro
Universiteti Politeknik – 842 mijë euro
UAMD – 4 herë më pak se UT
Këto shuma paguhen ndërkohë që universitetet nuk raportojnë incidente serioze. Ndërkohë mungojnë laboratorët, kompjuterët, pajisjet bazike të mësimdhënies.
Hendeku mes faturave dhe realitetit: Printera pa bojë, kompjutera “fantazmë”. Rastet e raportuara tregojnë një shkëputje të plotë midis dokumenteve financiare dhe realitetit të studentëve: UPT ka shpenzuar 70 mijë euro për bojë printeri, por studentët e Arkitekturës paguajnë 100-200 euro në muaj për printime jashtë fakultetit. Shumë fakultete blejnë kompjutera, laptopë dhe pajisje teknologjike të cilat studentët “nuk i shohin kurrë”.
Shifra që tregojnë degradimin (2021–2022)
Universiteti i Tiranës637 454 euro për siguri
0 lekë për kërkim shkencor
1.1 milionë euro për pajisje zyre dhe orendiUniversiteti “Aleksandër Xhuvani” në Elbasan
431 944 euro për siguri godine
115 985 euro për dieta/udhtëtime
29 000 euro për karburant
23 479 euro për internet/telefon
Vetëm 1 200 euro për kërkim shkencorUniversiteti “Luigj Gurakuqi” në Shkodër
Gati 4 milionë euro shpenzime vjetore
2.6 milionë euro për paga
252 mijë euro për siguri
Vetëm 4 628 euro për kërkimUniversiteti “Fan Noli” në Korçë
0 lekë për kërkim shkencor
77 mijë euro për dieta/udhtëtime
147 mijë euro për pajisje zyreUniversiteti “Aleksandër Moisiu” në Durrës
195 mijë euro për siguri
3.7 mijë euro për kërkim
4.7 milionë euro për pagaEksperti i arsimit, Ndriçim Mehmeti e përshkruan situatën si një kolaps total. Mehmeti tha: “Drejtimi i arsimt nga lart-poshtë është futur nën kthetrat e politikës, paaftësisë, mediokritetit dhe jo meritokracisë. Duhet ta zhveshim shkollën nga drejtimi politik. Të hartojmë një plan veprimi për 30 vitet e ardhshme se ku do të shkojë arsim , si dhe të rrisim cilësinë e të rinjëve që shkojnë në programet e mësuesisë. Ministria e Arsimit dhe insitucionet arsimore në tërësi nuk duhet të shihen si strehë pune për militantët, por një vend ku duhet të jenë ata që e meritojnë”
Të dhënat e nxjerra nga Qëndresa Qytetare dhe institucionet e kontrollit tregojnë një krizë strukturore: Kontrata sekrete, shpenzime të fryra për roje dhe paga, mungesë totale transparence, infrastrukturë e amortizuar dhe kërkim shkencor pothuajse i zhdukur. Pa një reformë të thellë, pa llogaridhënie dhe pa investim real në cilësi, universitetet publike do të vazhdojnë të prodhojnë diploma pa vlerë, ndërsa sistemi arsimor zbraset nga profesionistët e së ardhmes. /Ida Ismalaj, acqj.al -
Universiteti Cornell dhe administrata Trump arrijnë marrëveshje për rikthimin e fondeve federale
Universiteti Cornell ka arritur një marrëveshje me administratën Trump për të rikthyer më shumë se 250 milionë dollarë fonde federale për universitetin.
Sipas marrëveshjes, Cornell zotohet t’i paguajë qeverisë federale 30 milionë dollarë gjatë tre viteve dhe të investojë 30 milionë dollarë të tjerë në “programe kërkimore që do t’u sjellin dobi drejtpërdrejt fermerëve amerikanë duke ulur kostot e prodhimit dhe duke rritur efikasitetin”. Sipas marrëveshjes, universiteti gjithashtu pranon t’i ofrojë qeverisë federale “të dhëna të paidentifikuara të pranimeve të studentëve”, të cilat, siç specifikon marrëveshja, do t’i “nënshtrohen një auditimi të plotë nga qeveria amerikane”.
Cornell gjithashtu do të kryejë “anketa vjetore për të vlerësuar klimën e kampusit për studentët e universitetit, përfshirë studentët me prejardhje hebraike”. Marrëveshja “njeh në mënyrë të qartë të drejtën e Cornell për të vendosur në mënyrë të pavarur politikat dhe procedurat e veta, për të zgjedhur se kë të punësojë dhe pranojë, dhe për të vendosur se çfarë të japë mësim, pa ndërhyrje ose kontroll pushtues nga qeveria”, tha Presidenti i Cornell, Michael I.Kotlikoff.Liz Houston, një zëdhënëse e Shtëpisë së Bardhë, përshëndeti fitoren: “Presidenti Trump ka arritur edhe një herë një sukses të madh për studentët amerikanë. Nën udhëheqjen e zgjuar të presidentit, përsosmëria akademike, merita dhe llogaridhënia do të vazhdojnë të rikthehen në universitetet në të gjithë Amerikën”, tha Houston.Top Channel
-
74-vjetori i UBT, Rama: Do bëhet universitet rajonal. Shkenca dhe teknologjia, aleatët më të fortë për “Shqipërinë 2030”
Kryeministri Edi Rama në Konferencën Ndërkombëtare mbi Shkencat e Jetës dhe Bujqësinë, në 74-vjetorin e Universitetit Bujqësor në Tiranë, ka deklaruar se për “Shqipërinë Europiane 2030”, shkenca dhe teknologjia janë aleatët më të fortë për të ardhmen e afërt europiane për fermerët, mjedisin e çdo qytetar.
Kryeministri Rama deklaroi se universiteti bujqësor do të bëhet një universitet rajonal me studentë nga gjithë vendi e rajoni. Rama shtoi se sot Universiteti Bujqësor i Tiranës, rezulton me 20% më shumë studentë, ndërsa shprehu synimin për t’i dhënë universitetit, markën e ekselencës.
“Më ka kërkuar të mbështes idenë e uljes së mesatares në këtë universiteti dhe të shkonim në një drejtim që do sillte më shumë njerëz, por do kompromentonte cilësinë e burimeve njerëzore në dispozicion të zhvillimit të vendit.
Unë i thash rektorit që duhet të synojmë ti japim universitetit markën e ekselencës.
Sot ka sjellë një situatë optimizmi që ka rezultuar me 20% plus studentë në UBT. Jo studentë me mesatare të ulur për t’i sjellë, por sepse kanë trokitur në dyert e universitetit që ka çelur një perspektivë të re për të rinjtë dhe për ta parë të nesërmen në këtë fushë që, do jetë aq jetike sa vlerësimi për njerëzit që punojnë në këtë fushë do rritet, edhe në aspektin financiar.
Çështja e sovranitetit ushqimor dhe garantimit të ushqimit, në ndryshimin e kushteve me përmasa katastrofike, apo mbrojtjes dhe ripërtëritjes së burimeve (marr parasysh zjarret) janë pjesë e një tematike të gjerë që i bën njerëzit e specializuar, asete të vyera e gjithnjë e më të vlefshme në kohë”, deklaroi Rama. -
Gjermania kthen në Greqi një pjesë kolone të vjedhur nga Olimpia pas më shumë se 50 vitesh
Një shtetase gjermane ka dorëzuar në Greqi pjesën e sipërme të një kolone që e kishte vjedhur nga një vend arkeologjik në Olimpia mbi pesë dekada më parë, njoftoi sot Ministria Greke e Kulturës.
Maja e kolonës prej guri gëlqeror, 24 centimetra e lartë dhe 33.5 centimetra e gjerë, ishte marrë nga Leonidaion, një shtëpi mysafirësh e shekullit të IV para Krishtit. Artefakti është i treti që kthehet në Greqi në vitet e fundit nga Universiteti i Münsterit në Gjermani, i cili e dorëzoi zyrtarisht dje.
Sipas ministrisë, gruaja vendosi ta kthente pjesën e kolonës pasi u frymëzua nga kthimi i disa objekteve të tjera të rëndësishme antike nga universiteti gjerman në vendin e tyre të origjinës. “E motivuar nga këto veprime, ajo i dorëzoi objektin universitetit, i cili mori përsipër ta rikthente në Olimpian e Lashtë,” theksoi ministria, duke vlerësuar ndjeshmërinë dhe guximin e saj.
Në vitin 2019, Universiteti i Münsterit kishte kthyer një gotë vere që i përkiste kampionit të Lojërave Olimpike të vitit 1896 në Athinë, ndërsa një vit më parë kishte dorëzuar një kokë mermeri të epokës romake nga një varrezë në Selanik.
Zyrtari i ministrisë greke të kulturës, Giorgos Didaskalou, deklaroi se ky gjest “vërteton se kultura dhe historia nuk njohin kufij, por kërkojnë bashkëpunim, përgjegjësi dhe respekt të ndërsjellë”.
Athina vijon përpjekjet për kthimin e shumë antikiteteve pa ndërmarrë procedura gjyqësore, ndërsa qëllimi kryesor mbetet rikthimi i frizit të Partenonit, i cili ndodhet në Muzeun Britanik që nga shekulli i 19-të.
-
Afro 1000 studentë të rinj nisin studimet në Universitetin e Elbasanit “Aleksandër Xhuvani”
Universiteti i Elbasanit “Aleksandër Xhuvani” ka hapur zyrtarisht vitin e ri akademik 2025–2026, me rreth 1000 studentë të rinj që i janë bashkuar auditorëve. Rektorja Prof. Dr. Elvira Fetahu prezantoi risitë e këtij viti, që synojnë forcimin e cilësisë akademike dhe përshtatjen me kërkesat e tregut të punës.Interesi më i madh i regjistrimeve është për programet e Shkencave Mjekësore Teknike, Financë, Teknologjitë e Informacionit dhe Edukimin Fizik e Sporte, ndërsa vihet re një rritje pozitive edhe në programin Matematikë–Fizikë.Universiteti po bën hapa të rëndësishëm drejt ndërkombëtarizimit, me 8 programe studimi në gjuhën angleze, si dhe përmirësime infrastrukturore që përfshijnë ngritjen e tre laboratorëve të rinj dhe një godine të re në Fakultetin e Shkencave Mjekësore Teknike.Rektorja Fetahu theksoi se synimi kryesor i universitetit mbetet ndërtimi i një mjedisi akademik ku dijet, kërkimi shkencor dhe angazhimi qytetar shkojnë krah për krah.
-
Trumpi financon vetëm universitetet që i binden?
Kohët e fundit, një gjykatë në SHBA e ndaloi bllokimin e fondeve për universitetin elitar të Harvardit. Tani Presidenti amerikan Donald Trump po josh disa nga universitetet më të mira të vendit me grante të mëdha për t’i sjellë ato në linjën e qeverisë. Disa media amerikane raportuan se Shtëpia e Bardhë u ka dërguar letra nëntë institucioneve kryesore të arsimit të lartë. Me gjasa aty u bëhet thirrje drejtuesve të universiteteve që t’i përmbaheshin disa parimeve të caktuara të qeverisë. Në këmbim universitetet do të merrnin akses preferencial në financimin e kërkimit shkencor dhe përfitime të tjera.
Universitetet duhet të ndalojnë çfarë “mund të ndëshkojë, poshtërojë ose edhe të nxisë dhunë kundër ideve konservatore”, citon New York Times nga letra. Krahas kësj bëhet thirrje për një kufizim në numrin e studentëve ndërkombëtarë dhe një ngrirje të tarifave të shkollimit. Institucioni përkatës duhet gjithashtu të angazhohet për përkufizime të rrepta të gjinisë.
Guvernatori demokrat i Kalifornisë dhe kundërshtari i Trump, Gavin Newsom, e kritikoi këtë veprim, duke e quajtur atë një “marrëveshje radikale”. Edhe ai ushtroi presion mbi universitetet e Kalifornisë, duke argumentuar se ato do të humbisnin miliona të fonde të shtetit federal, nëse do ta nënshkruanin marrëveshjen. California nuk do të mbështesë kampuset që heqin dorë nga liria akademike, tha Newsom.
Kreu i një këshilli të lartë në Universitetin e Teksasit – i emëruar nga guvernatori republikan i shtetit – konfirmoi se ky universitet e ka planifikuar programin e ri. Ndihemi të “nderuar” që Universiteti i Teksasit u përzgjosh si një nga nëntë institucionet për përfitime të mundshme financimi, thuhet.
Administrata e Trumpit ka rritur presionin mbi botën akademinë javët e fundit. Nga administrata e re vijnë akuza, se disa universitete se kanë orientim të majtë liberal dhe nuk marrin masa të mjaftueshme kundër antisemitizmit. Si reagim iu tërhoqën fondet këtyre universiteteve. Universiteti i Kolumbias në Nju Jork, ndër të tjera, pranoi disa nga kërkesat e administratës. Edhe Universiteti i Harvardit u prek nga kjo masë, por në fillim të shtatorit, një gjykatë federale vendosi që ngrirja e fondeve ishte e paligjshme dhe se fondet duhet të livrohen.
DW -
Pedagogu i njohur italian arrestohet në Shqipëri pas aksidentit, universiteti dhe politikanët kërkojnë lirimin e tij
L’Aquila Blog
Që nga muaji gusht, profesori Michele D’Angelo, 44 vjeç, pedagog i biologjisë në Universitetin e L’Aquilas në Itali, ndodhet në një burg në Shqipëri pas një aksidenti rrugor të ndodhur pranë Tiranës.
Lajmi, i bërë publik më herët sot nga e përditshmja Il Centro, është konfirmuar nga rektori i universitetit, Fabio Graziosi.
Profesori ishte në timonin e një Lancia Ypsilon kur dyshohet se humbi kontrollin e automjetit dhe u përplas me një Mercedes që drejtohej nga një shtetas shqiptar.
Sipas rindërtimit të ngjarjes, profesori po udhëtonte me jo më shumë se 40 km/h, ndërsa makina tjetër lëvizte me një shpejtësi shumë më të lartë.
Megjithatë, D’Angelo është akuzuar për shkelje të rregullave të qarkullimit rrugor dhe braktisje të mjetit, pasi dyshohet se është larguar nga makina menjëherë pas përplasjes.
Avokatët e tij e konsiderojnë këtë veprim si një reaksion instinktiv, jo si përpjekje për arratisje.
Që nga ai moment, profesori – një figurë e njohur në komunitetin akademik – ndodhet në burg në pritje të gjykimit.
Sipas informacioneve, Ministria e Jashtme italiane (Farnesina) po ndjek çështjen, ndërsa Universiteti i L’Aquilas ka shprehur mbështetjen e tij.
“Po bëjmë çfarë është e mundur – komentoi rektori i zgjedhur Fabio Graziosi – për të kërkuar lirimin e profesorit dhe për të lehtësuar presionin psikologjik të personave të përfshirë”.
Edhe disa përfaqësues institucionalë kanë shprehur shqetësim, ndër ta edhe senatori Luciano D’Alfonso, i cili më 11 shtator ka paraqitur një interpelancë parlamentare ministrit të Jashtëm për të nxitur bashkëpunimin maksimal me autoritetet shqiptare dhe për të sqaruar dinamikën e aksidentit.