Lajmidites.com

Tag: qeverisës

  • Nuk ka mocion me debat për programin qeverisës, PS rrëzon kërkesën e opozitës

    Nuk ka mocion me debat për programin qeverisës, PS rrëzon kërkesën e opozitës

    seanca ne kuved

    TIRANË- Me 73 vota kundër, është rrëzuar kërkesa e Partisë Demokratike për mocion me debat për programin qeverisës.
    PD kërkoi ripërsëritjen e seancës së shtatorit kur u miratua pa votat e opozitës programi qeverisës i PS, por opozita atë seancë vendosi të braktisë punimet e Kuvendit.
    Ndërkohë gjatë fjalës së tij sot, kreu i grupit të PS Taulant Balla tha se PD duhet t’i sjellë kërkesat sipas rregullores për të gjetur dakordësi nga mazhoranca.
    “Kemi bërë një diskutim, në fakt kemi bërë 3 diskutime për 3 mocione të ndryshme me debat. Jam informuar që do të kemi një diskutim tjetër brenda afatit 3-ditor që përcakton rregullorja. Zonja dhe zotërinj, për sa i përket rregullores për mocionet, është shumë e qartë. Më e thjeshta është seanca e pyetje-përgjigjeve, për të shkuar te interpelanca, mocioni me debat apo komisioni hetimor. Sa i përket kërkesës suaj që lidhet me nenin 98, po e lexoj. Neni 98: mocionet – një kryetar grupi ose 7 deputetë mund të paraqesin një mocion për një zhvillim debati në Kuvend për një çështje të veçantë, dhe në fund mund të paraqitet edhe një rezolutë.
    Kam një kërkesë nga kreu i grupit parlamentar të PD, që kërkon jo një çështje të veçantë, por disa çështje të veçanta; një kërkon bilancin e qeverisë nga 2013 e deri te 2025. A është kjo e veçantë? Duam, thotë, përveç kësaj edhe një çështje tjetër që ka të bëjë me programin qeverisës për periudhën në vijim. Pra, e thënë ndryshe, e dogjëm mundësinë ta bëjmë me 8 shtator, dhe të shfrytëzojmë këtë nen të rregullores dhe të kthehemi mbrapsht më 13 shtator. E kuptoj që kërkesat i keni bërë vetë të mangëta, sakate. E kuptoj që ju i sillni kërkesat vetë të mangëta, sepse ju vetë nuk doni të bëni një debat, sepse unë nuk mund të pranoj dot asnjë kërkesë që bie në kundërshtim me rregulloren.”, tha kreu i grupit parlamentar të PS-së.

  • Me 73 vota kundër, rrëzohet kërkesa e PD për mocion me debat për programin qeverisës

    Me 73 vota kundër, rrëzohet kërkesa e PD për mocion me debat për programin qeverisës

    Me 73 vota kundër, është rrëzuar kërkesa e Partisë Demokratike për mocion me debat për programin qeverisës.
    PD kërkoi ripërsëritjen e seancës së shtatorit kur u miratua pa votat e opozitës programi qeverisës i PS, por opozita atë seancë vendosi të braktisë punimet e Kuvendit.
    Ndërkohë gjatë fjalës së tij sot, kreu i grupit të PS Taulant Balla tha se PD duhet t’i sjellë kërkesat sipas rregullores për të gjetur dakordësi nga mazhoranca.

  • Lëvizja Bashkë ‘bashkon’ forcat me PD-në: Mbështes kërkesën e opozitës, të kthehet për diskutim programi qeverisjes

    Lëvizja Bashkë ‘bashkon’ forcat me PD-në: Mbështes kërkesën e opozitës, të kthehet për diskutim programi qeverisjes

    Deputeti i Lëvizjes Bashkë, Redi Muçi është bashkuar kësaj radhe me opozitën duke i kërkuar kryetarit të Kuvendit kthimin e seancës së 12 shtatorit, për të diskutuar programin e qeverisjes së Partisë Socialiste.
    “Këtu flitet për normalitet, ju si kryetar më keni kërkuar mua t votoj një projekt program që jam njohur 20 minuta para. Kjo është tejet anormale. Ju po flisni për 19 projektligje dhe nuk jam i informuar. Normaliteti më i madh është që keni kalua programin qeverisës pa debat, pa diskutim. Dua të shpreh mbështetjen e Lëvizjes Bashkë me mocionin e kolegëve të opozitës sa i përket rikthimit në seancë plenare të programit qeverisës.
    I bej thirrje mahorancës që është në ndjerin e tyre ta mbështesin dhe në turpin e tyre që ta nisni punën pa diskutuar programin qeverisës”, tha Redi Muçi.

  • 25 minuta seancë për miratimin e programit qeverisës, deputeja e PS-së: E zhgënjyer! Do të punoj për të sjellë sa më shumë projekte në Vlorë

    25 minuta seancë për miratimin e programit qeverisës, deputeja e PS-së: E zhgënjyer! Do të punoj për të sjellë sa më shumë projekte në Vlorë

    Për herë të parë, seanca për miratimin e qeverisë dhe programit politik zgjati vetëm 25 minuta dhe asnjë deputet nuk arriti të diskutonte për aktin më të rëndësishëm të parlamentit. As vetë kryeministri nuk e përfundoi prezantimin e programit.
    Seanca e një dite më parë, nisi në orën 10:00 me fjalën e kryeministrit Edi Rama për prezantimin e programit të qeverisë deri në vitin 2029.
    Por për shkak të kaosit të krijuar nga opozita, mazhoranca kërkoi të kalohej në votim duke e mbyllur seancën pas 25 minutash.

    Deputetja e PS-së në qarkun e Vlorës, Erjona Ismaili, në një lidhje të drejtpërdrejtë në edicionin qendror të lajmeve në Vizion Plus me moderatoren Pranvera Borakaj, u shpreh  e zhgënjyer për mënyrën si u zhvillua seanca e parë parlamentare, duke theksuar se qytetarëve iu mohua një debat i nevojshëm për programin qeverisës. Ismaili u ndal edhe te pritshmëritë për zhvillimin e Vlorës dhe zgjedhjet e parakohshme në bashkinë e këtij qyteti.
    Intervista e plotë
    Borakaj: Ju u zgjodhët deputete për herë të parë më 11 maj dhe dje duhet të ishte seanca e parë që duhet të flisnit në Parlament. Si e vlerësoni seancën e djeshme dhe si u ndjetë ju personalisht?
    Ismaili: Nuk ka se si deputeti i ri të mos ndiejë emocione në një seancë aq të rëndësishme si ajo e djeshmja, kjo vjen së pari prej një përgjegjësie dhe përgjegjshmërie që ky rol dhe kjo detyrë të jep, po aq sa natyrshëm të vjen edhe prej mjedisit ku 140 deputetë të zgjedhur në mënyrë demokratike do duhet që të diskutonin për të mbështetur ose jo programin qeverisës. Ndihem e zhgënjyer dhe e keqardhur për mënyrën se si janë zhvilluar ngjarjet, duke qenë se kam menduar se të tilla shfaqje do duhet t’i kishim lënë dekada pas, por jo. Nga ana tjetër jam ndjerë e keqardhur që qytetarëve u është privuar e drejta për tu informuar edhe për të ndjekur një debat me argumente dhe kundërargumente për të ardhmen e tyre në këto 4 vite duke qenë se PS do të shpaloste programin e vet qeverisës.
    Borakaj: Ju vini nga një bastion i PS siç është Vlora. Çfarë prisni ju nga qeveria që të realizojë në katër vitet e ardhshme. Cila do të ishte çështja më e rëndësishme për ju që duhet të marrë zgjidhje?
    Ismaili: Jo vetëm për Vlorën, por edhe më gjerë PS ka treguar mbështetje  dhe unë mendoj dhe kemi parë në programin qeverisës që kjo mbështetje dhe këto projekte ambicioze do të vazhdojnë. Vlora vetëm sa është gërvishtur dhe nuk jam aspak dyshuese dhe nuk e ekzagjeroj fare nëse them që të gjitha projektet ambicioze të zhvilluara dhe të përfunduara deri më sot në Vlorë, deri në një moment të caktuar derisa kanë përfunduar janë konsideruar si të pamundura për tu bërë. Personalisht do të jem shumë aktive në qarkun e Vlorës për të lobuar dhe konkurruar me kolegët e qarqeve të tjera për të sjellë në Vlorë sa më shumë projekte. Kjo nuk është një punë që bëhet vetëm, përkundrazi me të gjithë kolegët e tjerë të qarkut Vlorë.
    Borakaj: Bashkia e Vlorës pritet që të shkojë në zgjedhje të parakohshme. Ku duhet të fokusohet fushata e kandidatit të PS-së në këtë qytet? Cilat janë problemet që kërkojnë zgjidhje urgjente dhe a keni ju një emër për kandidatin potencial që do të jetë në këtë garë?
    Ismaili: Personalisht nuk kam një emër. Ajo që unë mendoj se është evidentuar nga kryeministri por edhe nga kolegët, konsiston në një nevojë emergjente për të bërë një riorganizim për plane afatmesme dhe afatgjata në bashkinë e Vlorës por pa lënë mënjanë edhe ndërhyrjet emergjente. Jetojmë në një kohë ku burimet njerëzore janë shumë të rëndësishme dhe mendoj se janë ato të cilat konsistojnë nëse një menaxher i mirë i bashkisë do të jetë i suksesshëm apo jo. Mendoj se kandidati që do të jetë për kryetar bashkie duhet të ketë parasysh që të ushtrojë funksionin e vet me  integritet, profesionalizëm, të rrisë transaperencën dhe bashkëpunimin me të gjitha institucionet lokale. Të jetë një nikoqir i mirë në bërjen e punëve të përditshme që qyteti ka nevojë.

  • Programi qeverisës u kalua pa debat, BE: Për të ardhur keq, publikut iu hoq e drejta për t’u informuar

    Programi qeverisës u kalua pa debat, BE: Për të ardhur keq, publikut iu hoq e drejta për t’u informuar

    seanca ne kuvend

    TIRANË- Delegacioni i Bashkimit Europian në Tiranë, ka shprehur keqardhjen për mënyrën sesi u votua programi qeverisës në seancën e djeshme në Kuvend, ku nuk pati debate, për shkak të tensioneve të krijuara. Në reagimin e delegacionit të BE-së thuhet se Parlamenti duhet të karakterizohet nga debati konstruktiv, ndërsa luan një rol vendimtar në reformat ligjore që synojnë integrimin e Shqipërisë në familjen europiane.
    REAGIMI: Parlamenti duhet të jetë një forum për debat konstruktiv, ku diskutohen politika dhe paraqiten pikëpamje alternative, duke promovuar kështu një kulturë dialogu.
    Në kontekstin e anëtarësimit, Parlamenti ka një rol vendimtar për të luajtur në debatin dhe miratimin e reformave legjislative që lidhen me BE-në, duke vlerësuar ndikimet e tyre dhe duke siguruar që ato të bazohen në një proces gjithëpërfshirës dhe transparent.
    Debati mbi programin e qeverisë së re për katër vitet e ardhshme do të kishte ofruar një mundësi të rëndësishme për të diskutuar pikëpamje dhe qasje të ndryshme ndaj objektivit të anëtarësimit, i cili mbetet një ambicie ndërpartiake. Është për të ardhur keq që publiku shqiptar u privua nga mundësia për t’u informuar siç duhet dhe plotësisht rreth programit të Qeverisë dhe për të dëgjuar përfaqësuesit e saj të zgjedhur të diskutojnë përmbajtjen e tij, në përputhje me dispozitat e ligjit.
    Delegacioni i BE-së në Tiranë do të vazhdojë angazhimin e tij për të forcuar rolin e parlamentit si një institucion që promovon dhe mishëron dialogun e hapur dhe gjithëpërfshirës politik. Ne besojmë se të gjitha partitë politike të Shqipërisë dhe të gjithë sektorët e shoqërisë do të jenë në gjendje dhe të gatshëm të luajnë rolin e tyre në kontributin drejt përparimit të Shqipërisë për përmbushjen e kërkesave të anëtarësimit në BE.

    Në seancën e djeshme në Kuvend, socialistët votuan me 82 vota pro programin qeverisës, për vetëm 20 minuta. Seanca u mbyll për shkak të tensioneve nga ana e opozitës, ndërsa kryeministri Edi Rama vendosi në ekran, një fjalë të ministres që është krijuar përmes inteligjencës artificiale, Diella. /ZËRI

  • Belinda Balluku: Çfarë zhgënjimi dhe përsëritje skizofrenike e kaosit në parlament!

    Belinda Balluku: Çfarë zhgënjimi dhe përsëritje skizofrenike e kaosit në parlament!

    Nga Belinda Balluku-
    Çfarë zhgënjimi dhe përsëritje skizofrenike e kaosit në parlament! Kushtetuta fluturonte mbi kokat tona në prani të trupit diplomatik në një moment solemn, kur Kryeministri i vendit duhet të prezantonte programin qeverisës Shqipëria 2030, kur secili nga ministrat duhet të prezantonte programin sektorial dhe të kishte një debat konstruktiv me opozitën, sepse Kuvendi është salla ku opozita duhet të thotë fjalën e saj, por sigurisht në respekt të demokracisë dhe parimeve kushtetuese.

    A është kjo klasa politike që meriton Shqipëria? A është kjo opozita që duhet të ketë një vend i ulur në tryezën e negociatave me BE 🇪🇺? A quhen dialog parlamentar britmat,  përplasjet e duarve mbi tavolina, shishet plastike në ajër? A quhet ky dialog parlamentar?

    Për shkak të kësaj situate, për herë të parë në këto 30 vite, nuk u prezantua programi qeverisës nga shumica e zgjedhur në sallën e parlamentit, pavarësisht prezantimeve të shumta publike që kemi bërë.

    Sjelljet e përsëritura të pakicës parlamentare, na detyruan të votojmë menjëherë programin qeverisës, për të mos humbur më asnjë sekondë nga koha e vyer e shqiptarëve, të cilët janë lodhur nga retorikat boshe e agresive për përfitime personale të eksponentëve partiak.
    Sot, Partia Socialiste dhe Qeveria Shqiptare, mbeten të angazhuara dhe me përgjegjësi të plotë për të vijuar në rrugën e nisur me objektivin e pandryshuar Shqipëria 2030.

     

  • Qeveria fal borxhet e vjetra tatimore, ja si funksionon skema e re

    Qeveria fal borxhet e vjetra tatimore, ja si funksionon skema e re

    Detyrimet tatimore më të vjetra se 10 vjet do të falen dhe një skemë e re e ripagimit të borxheve të 10 viteve të fundit me përqindje të reduktuara do të vihet në jetë përmes “Paqes Fiskale” 2026–2029. Në mandatin e katërt qeverisës do të çelet një kapitull i ri bashkëpunimi me sipërmarrjen shqiptare përmes marrëveshjeve disa-vjeçare të lehtësimit tatimor dhe nxitjes së deklarimeve të rregullta.
    Paqja fiskale do të jetë një marrëveshje midis Administratës tatimore dhe bizneseve e gjeneruar me ndihmën e Inteligjencës Artificiale, e cila shmang kontrollet tatimore, përmirëson klimën e biznesit, por nga ana tjetër garanton mbledhjen e detyrimeve tatimore.
    Programi qeverisës synon që deri në vitin 2029 të vijohet me politikën e taksës 0% për bizneset e vogla, si dhe të zbatohet reforma e taksës mbi pasuritë e paluajtshme, duke kaluar në një sistem të ri të bazuar në vlerën reale të tregut përmes përditësimit të çmimeve, rivlerësimit masiv të pasurive dhe Kadastrës Fiskale.
    Të ardhurat tatimore do të rriten me mbi 30 miliardë lekë në vit përmes zgjerimit të bazës tatimore pa rritur barrën fiskale, përmes digjitalizimit të shërbimeve, si dhe vazhdimit të luftës ndaj informalitetit.
    Gjithashtu, inteligjenca artificiale do të zbatohet në sistemet tatimore dhe doganore për të identifikuar në kohë reale anomalitë, duke rritur transparencën, ulur evazionin dhe përshpejtuar procedurat për qytetarët dhe bizneset.

  • Miratimi i programit qeverisës, Peleshi: Kuvendi do të vijojë punën, mbështetur në Kushtetutë, Rregullore dhe Kodin e Etikës

    Miratimi i programit qeverisës, Peleshi: Kuvendi do të vijojë punën, mbështetur në Kushtetutë, Rregullore dhe Kodin e Etikës

    Kryetari i Parlamentit, Niko Peleshi, reagoi përmes rrjeteve sociale pas seancës së sotme plenare, ku u miratua programi politik dhe përbërja e Këshillit të Ministrave.

    “Në seancën e sotme plenare miratuam programin politik dhe përbërjen e Këshillit të Ministrave, një hap i rëndësishëm për të çuar përpara vizionin qeverisës të vendit për ‘Shqipërinë 2030’.
    Kuvendi i Shqipërisë do të vijojë punën e tij, të mbështetur në Kushtetutë, Rregullore dhe Kodin e Etikës, duke garantuar standarde të larta pune dhe transparence, në përputhje me praktikat më të mira të parlamenteve të vendeve të Bashkimit Europian ku synojmë të integrohemi“, tha Peleshi.

    Top Channel

  • “Si është e mundur që një Kryeministër…”/ PL, ngre akuza të rënda ndaj qeverisë: Kërcënon këdo që i del përballë

    “Si është e mundur që një Kryeministër…”/ PL, ngre akuza të rënda ndaj qeverisë: Kërcënon këdo që i del përballë

    Pas seancës rekord të ditës së sotme që votoi pa diskutime programin qeverisës të PS, Partia e Lirisë bëri akuza në adresë të qeverisë dhe mazhorancës socialiste.
    Në një deklaratë për mediat, kreu i grupit parlamentar të PL-së, Tedi Blushi, tha Kryeministri Edi Rama shmangu përballjen me opozitën ditën e sotme, duke lënë në mes prezantimin e programit.
    “Sot kuvendi nuk miratoi dhe as mandatoi një qeveri të re por e zhyti vendin edhe më thellë në paligjshmëri, korrupsioni, krim dhe varfëri. Programi gjoja qeverisës nuk ofron asnjë zgjidhje konkrete dhe as u jep përgjigje pyetjeve të përditshmërisë së shqiptarëve përse sot Shqipëria ka taksat dhe tarifat më të larta në rajon ndërkohë që kemi pagat dhe pensionet më mizerabël. Përse nuk do të jemi vend fuqi prodhuese dhe eksportuese në rajon? Përse do vijojë të rritet borxhi publik dhe varfëria do thellohet?
    Në programin e ri qeverisës Kosova nuk përmendet në asnjë paragraf. Si është e mundur që një Kryeministër shqiptar të mandatohet për herë të 4 kur vizioni i tij politik është lufta ndaj qytetarëve dhe një strategji antikombëtare. Përse Shqipëria do vijojë të mbetet vend i pasigurt për jetën? Për këto pyetje Edi Rama nuk mund të përgjigjej sot para opozitës dhe sikundër e pamë të gjithë, me arrogancën dhe shkeljen e rëndë të Kushtetutës askush nuk mund të ketë iluzionin që në BE mund të na e garantojë në qeveri që në 12 vjet nuk arriti të garantojë ujë të pijshëm dhe që vjedh fondet e BE-së.
    Edi Rama ju shmang sot përballjes me opozitën edhe për faktin se është autor i kapjes për fyti të sistemit të drejtësisë, duke e renditur Shqipërinë si të vetmin vend në Europën demokratike ku ka të burgosur politik dhe regjimi heton përndjek shantazhin dhe kërcënon këdo që i del përballë”, u shpreh Blushi.
    Kreu i grupit të PL theksoi se Partia e Lirisë do t’i bashkohet mocionit të PD për të kërkuar shkarkimin e kryeparlamentarit Niko Peleshi.

  • Programi qeverisës u miratua pa debat, Rama: Shkeljet nga opozita do mbyllin seancat!

    Programi qeverisës u miratua pa debat, Rama: Shkeljet nga opozita do mbyllin seancat!

    Edi Rama

    TIRANË-Kryeministri Edi Rama ka reaguar pas mbylljes së seancës maratonë për vetëm 25 minuta. Kuvendi miratoi mes tensioneve dhe bojkotit të opozitës, programin qeverisës dhe kabinetin. Në postimin e tij në Facebook, Rama ka paralajmëruar opozitën se shkeljet e sharjet do të çojnë automatikisht në përfundimin e parakohshëm të seancave parlamentare.
    Edi Rama: 83 mandatet e 11 majit për ne, janë ndër të tjera edhe një detyrim për të respektuar zgjedhësit e palës tjetër, duke u dhënë përfaqësuesve të tyre në Kuvend të gjithë hapësirën për të folur, po edhe një detyrim ndaj zgjedhësve tanë për t’i vënë një kufi të pakalueshëm kujtdo që përdor duart, këmbët, trupin si argument dhe zhurmën e sharjet e rrugës si alternativë opozitare. Mjafton që të respektohet ai kufi, i cili është kufiri etik i çdo parlamenti të Bashkimit Europian dhe opozita do të ketë e papenguar të gjitha hapësirat e saj në sallën e Kuvendit apo në komisionet parlamentare. Ndërsa shkelja e atij kufiri për të vazhduar avazin e traditës anti-demokratike të pengmarrjes së Kuvendit, do të çojë automatikisht në hapjen e procesit të votimit dhe përfundimin e parakohshëm të seancës.
    Seanca e sotme ishte parashikuar të zgjaste për më shumë se 24 orë, për shkak se të gjithë deputetët do të merrnin fjalën, për të diskutuar mbi programin qeverisës. Opozita pengoi fjalën e kryeministrit, i cili sipas rregullores hap seancën maratonë dhe më pas pasojnë të tjerët. Shkak për eskalimin e tensioneve u bë fjala e ministres artificiale Diella, e cila u vendos nga kryeministri. Në këto kushte u hap votimi, ku programi u miratua vetëm me votat e mazhorancës. 
    Nga ana tjetër kreu i Partisë Demokratike Sali Berisha, i cili mbërriti me vonesë në Kuvend, pasi socialistët kishin votuar, u shpreh se Rama e ka poshtëruar parlamentin, dhe se duhet një reagim kombëtar kundër tij./ZËRI