Lajmidites.com

Tag: qeverisës

  • Rama shkelmon rregulloren e kuvendit, u heq të drejtën e diskutimit deputetëve, voton programin e qeverisë pa debat

    Rama shkelmon rregulloren e kuvendit, u heq të drejtën e diskutimit deputetëve, voton programin e qeverisë pa debat

    Mazhoranca socialiste e ka nisur vrullshëm këtë mandat qeverisës, duke shkelur çdo normë dhe ligj demokratik në Kuvendin e Shqipërisë, por mbi të gjitha, duke shkelur edhe mbi veten.

    Në një rast të paprecedent, kryeparlamentari Niko Peleshi, gjatë seancës së sotme i ka mohuar fjalën deputetëve të opozitës, para votimit të qeverisë dhe programit qeverisës.

    Me arrogancën e imponuar nga fuqia e kartonëve, Peleshi çoi në votim qeverinë dhe programin qeverisës duke marrë 82 vota, pa i dhënë fjalën deputetëve të opoztiës, duke shkelur në këtë mënyrë edhe vendimin e djeshëm të Konferencën e Kryetarëve, ku u vendos me shumicë votash nga mazhoranca, që çdo deputet do t’i jepet 10 min kohë për të folur në foltoren e Kuvendit të Shqipërisë.

    LEXO EDHE KËTË: Opozita kërkon debat pa kufizim kohor në kuvend për programin qeverisës, ushtarët e Ramës vendosin 10 minuta

    E gjithë kjo shkelje flagrante e ligjeve dhe Kushtetutës së Shqipërisë nga drejtusi i Parlamentit të Shqipërisë, Niko Peleshi, ndodhi në një nga seancat më të rëndësishme dhe në sy të trupit diplomatik, i cili po ndiqte zhvillimet parlamentare nga lozhat.

  • REKORD! Socialistët miratojnë programin qeverisës për 20 minuta, opozita tenton të godasë Ramën

    REKORD! Socialistët miratojnë programin qeverisës për 20 minuta, opozita tenton të godasë Ramën

    seanca ne kuvend

    TIRANË- Është mbyllur për 20 minuta seanca në Kuvend, për shkak se deputetët e opozitës nuk lejuan fjalën e kryeministrit Edi Rama, i cili do të prezantonte programin qeverisës. Seanca e sotme ishte parashikuar të zgjaste për më shumë se 24 orë, për shkak se të gjithë deputetët do të merrnin fjalën, për të diskutuar mbi programin qeverisës. Rama që në nisje të fjalës së tij, tha se nuk do të lejonte shfaqjet e dhunshme nga ana e opozitës. Shkak për eskalimin e tensioneve u bë fjala e ministres artificiale Diella, e cila u vendos nga kryeministri.

    Pas ndërprerjes së seancës për 5 minuta, dhe vazhdimit të sjelles së opozitës duke bllokuar fjalën e Ramës, socialistët propozuan kalimin për votim të programit. 82 deputetë votuan pro, ndërkohë që deputetët e opozitës vijuan protestën e tyre, me thirrjet ‘parti Enver jemi gati kurdoherë’. /ZËRI 

  • Rama mesazh të prerë opozitës: Nëse harroni këmbët dhe duart, do keni kohë sa të doni të flisni në Kuvend

    Rama mesazh të prerë opozitës: Nëse harroni këmbët dhe duart, do keni kohë sa të doni të flisni në Kuvend

    edi rama ne kuvend

    TIRANË- Kryeministri Edi Rama, ka marrë fjalën në Kuvend, ku do të prezantojë programin qeverisës për 4 vitet e ardhshme. Rama tha se nuk do të lexojë të gjithë programin qeverisës, pasi do të jenë ministrat ata që do të lexojnë pikat më të rëndësishme. Rama kishte një mesazh dhe për opozitën, që sipas tij nëse përdor argumentet, do të ketë kohë në dispozicion për të folur.
    Rama: I nderuar Kuvend i Shqipërisë, si folësi i parë i kësaj legjislature të re, dua t’i përcjell urimin tim Niko Peleshit. Unë nuk jam këtu që të kryej një formalitet votëbesimi, 83 mandate apo mbi 50% e zgjedhësve në favorin tonë, është një borxh që duhet ta marrim përsipër çdo ditë, jo me fjalë, por me një qasje vetëkritike, me durim, energji të reja në çdo hap. Pakicës dua ti them që nuk është puna jonë çfarë bëni jashtë kësaj salle, por në këtë sallë, do të keni të gjithë kohën që dëshironi, nëse do të harroni përdorimin e këmbëve, dhe rënies me dorë të tavolinave si alternativë. Në të kundërt qëndrimi ynë këtu do të zgjasë aq sa i duhet një votimit.

  • Seanca maratonë e Kuvendit/ Rama prezanton programin, zbulohet rendi i ditës

    Seanca maratonë e Kuvendit/ Rama prezanton programin, zbulohet rendi i ditës

    Këtë të enjte në orën 10:00 në Kuvendin e Shqipërisë do të zhvillohet një seancë plenare maratonë, ku do të prezantohet qeveria e re dhe programi qeverisës për mandatin e saj të katërt. Mbledhja është thirrur me urdhër të Kryetarit të Kuvendit, Niko Peleshi, i cili ka firmosur urdhrin numër 6, datë 16 shtator 2025, për zhvillimin e kësaj seance më 18 shtator.
    Në rendin e ditës parashikohet shqyrtimi dhe votimi i projektvendimit “Për miratimin e programit politik dhe përbërjes së Këshillit të Ministrave”, i cili do të miratohet me shumicë të thjeshtë votash, në bazë të nenit 97 të Kushtetutës dhe neneve 55 dhe 110 të Rregullores së Kuvendit.
    Seanca pritet të zgjasë gjatë gjithë ditës së premte, pasi çdo deputet ka në dispozicion 10 minuta për të folur. Ndërkohë, një përfaqësues nga çdo grup parlamentar do të ketë të drejtën të flasë për të njëjtën kohë me kryeministrin Edi Rama. Debatet pritet të jenë të zgjatura dhe të fokusuara në drejtimet kryesore të programit qeverisës dhe përbërjen e kabinetit të ri.

  • Sot seanca maratonë më shumë se 24 orë, prezantohet programi qeverisës në Kuvend

    Sot seanca maratonë më shumë se 24 orë, prezantohet programi qeverisës në Kuvend

    FOTO ILUSTRUESE

    TIRANË-Sot Kuvendi do të mblidhet në seancën maratonë, e cila pritet të zgjasë deri ditën e nesërme (19 shtator). Kjo është seanca e tretë plenare brenda kësaj jave.
    Kryeministri Edi Rama do të paraqesë sot në Kuvend programin e ri qeverisës për mandatin e katërt. Në programin e qeverisë janë të theksuara 3 shtylla, Shqipëria Europiane, Rritja Ekonomike e Qëndrueshme dhe Mirëqenie për të gjithë. Siç edhe e ka bërë publike gjatë fushatës kryeministri Edi Rama, fokusi i reformave do të jetë procesi i integrimit.

    Sipas vendimit të marrë një ditë më parë në Konferencën e Kryetarëve, çdo deputet do të ketë në dispozicion nga 10 minuta për të folur. Pas fjalës së kryeministrit, foltorja i kalon opozitës, ku pritet të marrë fjalën kreu i Partisë Demokratike, Sali Berisha ose kreut të grupit parlamentar, Gazment Bardhi, në varësi të vendimmarrjes brenda grupit. Rregullorja e Kuvendit parashikon që vetëm kryeministri dhe kreu i opozitës gëzojnë të drejtën të flasin pa kufizim kohe ose në barazi kohore me njëri-tjetrin.
    Në përmbyllje të debatit, do të zhvillohet votëbesimi i qeverisë së re, përfshirë kryeministrin dhe 16 ministrat, përmes miratimit të dekreteve të Presidentit Bajram Begaj./ZËRI

  • Shtyllat e programit qeverisës, në fokus anëtarësimi në BE, rritja ekonomike dhe siguria

    Shtyllat e programit qeverisës, në fokus anëtarësimi në BE, rritja ekonomike dhe siguria

    Në katër vitet që vijnë, kryeministri Rama ka në fokus tre shtylla kryesore që përbëjnë dhe boshtin e programit qeverisës. Ato janë: Shqipëria Europiane, Rritja Ekonomike e Qëndrueshme dhe Mirëqenia për të Gjithë.
    Rritja e të ardhurave për frymë për qytetarët pritet të jetë rreth 40%, duke i çuar në 15 mijë euro deri në vitin 2029.Lexo edhe :Related Posts
    Gjithashtu parashikohet të hapen 100 mijë vende të reja pune, e shoqëruar kjo me mbështetje ndaj sipërmarrjes me politika fiskale të posaçme.

    Në arsim, synohet dyfishimi i numrit të nxënësve në shkollat profesionale, ngritja e laboratorëve inteligjentë, rritja e pagës mesatare të mësuesve dhe investime në infrastrukturën universitare.
    Qendra kulturore të reja pritet të hapen edhe jashtë vendit ndërsa do të vijojë restaurimi i objekteve historike.
    Shëndetësia vjen me një buxhet të trefishuar. Tashmë janë rindërtuar 400 qendra shëndetësore dhe 53 spitale të reja.
    Programi përfshin zgjerimin e shërbimeve sociale, rritjen e pensioneve dhe mbështetjen për familjet në nevojë.
    Sa i takon infrastrukturës, ndërtimi i rrugëve, urave dhe tuneleve do të vazhdojë, përfshirë projektet strategjike të Korridorit Blu dhe hekurudhave kombëtare.
    Investimet në Forcat e Armatosura dhe policinë do të rriten, duke përfshirë krijimin e një industrie ushtarake. Prioritet mbetet edhe siguria rrugore dhe parandalimi i krimit.
    Qeveria synon të rrisë turizmin elitar dhe ekologjik, të dyfishojë eksportet bujqësore dhe të përfundojë projektet e ujitjes së tokave. Zonat e mbrojtura dhe riciklimi i mbetjeve do të realizohen bazuar në standardet europiane.
    Në fokus mbetet përmirësimi i lidhjeve rajonale dhe zhvillimi i infrastrukturës rrugore, aeroportet dhe portet, për ta bërë Shqipërinë një destinacion të sigurt për investime, turizëm dhe shërbime.
    Mbi të gjitha, anëtarësimi në Bashkimin Europian deri në vitin 2030 mbetet prioritet kryesor, ndërsa programi synon të forcojë shtetin e së drejtës, të modernizojë administratën digjitale, të zhvillojë ekonominë dhe të përmirësojë shërbimet për qytetarët./vizionplus.tv

  • Programi qeverisës i PS/ Çfarë përmban ‘Mirëqenie Për Të Gjithë’, nga bashkitë te shëndetësia publike dhe pensionet

    Programi qeverisës i PS/ Çfarë përmban ‘Mirëqenie Për Të Gjithë’, nga bashkitë te shëndetësia publike dhe pensionet

    Programi qeverisës i Partisë Socialiste është publikuar ditën e sotme. Programi është ndarë në tre shtylla kryesore.
    Shtylla e tretë në këtë program qeverisës ka të bëj me mirëqenien e qytetarëve. Në këtë shtyllë përfshihen sektorë si mirëqenia, të rinjtë, familja, shëndetësia publike, sporti dhe kultura si dhe bashkitë.
    Shtylla III: Mirëqenie Për Të Gjithë
    Mirëqenia është kontrata jonë me qytetarët – jo privilegj për pakicën, por e drejtë për çdo shqiptar. Ky është vizioni i Shqipërisë 2030: një vend me fytyrë njerëzore, me barazi shansesh dhe institucione që punojnë për qytetarin.
    Fëmijët dhe të rinjtë janë boshti i politikave tona. Nga çerdhja dhe kopshti, tek shkolla që përqafon teknologjinë dhe inteligjencën artificiale, nga arsimi profesional i lidhur me ekonominë reale tek universitetet me programe ndërkombëtare – ne garantojmë një sistem arsimor që i përgatit për të ardhmen.
    Familja është zemra e shoqërisë. Një shtet social e modern duhet të sigurojë strehim të përballueshëm, mbështetje për prindërit e rinj, kujdes për personat me aftësi të kufizuara dhe shërbime sociale komunitare të afërta e cilësore.
    Shëndetësia publike është themel i mirëqenies. Ajo nis falas tek mjeku i familjes, mbështetet në spitale të modernizuara dhe funksionon me dosje e receta elektronike, duke u garantuar qytetarëve kujdes shëndetësor cilësor, të barabartë dhe dinjitoz.
    Pensionet janë garancia e shtetit për dinjitetin e brezit që ka ndërtuar vendin. Ne do të sigurojmë që çdo pensionist të ketë jo vetëm një mbështetje të drejtë financiare, por edhe akses në shërbime shëndetësore, sociale dhe komunitare që e bëjnë jetën më të sigurt dhe më të plotë.
    Rinia është energjia e ndryshimit. Për të rinjtë, kalimi nga shkolla në punë duhet të jetë i lehtë; start-up-et inovative dhe sipërmarrja e re duhet të mbështeten; sporti dhe kultura duhet të jenë pjesë e përditshmërisë. Sepse rinia është gjeneratori i progresit, i krijimtarisë dhe i besimit tek e ardhmja.
    Sporti dhe kultura nuk janë luks, por oksigjeni i përditshëm i shoqërisë. Ato gjallërojnë komunitetet, forcojnë identitetin tonë, rrisin shëndetin dhe krijojnë mundësi të reja për të rinjtë. Çdo qytet duhet të ketë hapësira sportive dhe kulturore të hapura, të aksesueshme, që na lidhin e na frymëzojnë si shoqëri.
    Mjedisi dhe ekonomia e gjelbër janë garancia e zhvillimit të qëndrueshëm. Shqipëria duhet të rritet pa e shkatërruar natyrën. Riciklimi, hapësirat e gjelbra dhe menaxhimi modern i mbetjeve urbane do të bëhen pjesë e zakoneve të përditshme të qytetarëve dhe politikave publike.
    Bashkitë janë krahu i shtetit që sjell shërbimin te dera e qytetarit. Me digjitalizim, financa të forta dhe administratë të motivuar me paga dinjitoze, ato do të sigurojnë shërbime publike cilësore, qendra urbane moderne dhe një portë të hapur për zhvillim.

  • Seancë maratonë, Rama prezanton të enjten programin qeverisës në parlament

    Seancë maratonë, Rama prezanton të enjten programin qeverisës në parlament

    Ditën e nesërme Parlamenti do të mblidhet në një seancë maratonë për votëbesimin e ministrave të qeverisë “Rama 4”.
    Prezantimi nga Edi Rama i programit qeverisës dhe diskutimet që do të zhvillojën deputetë pritet të zgjasin deri ditën e premte.
    Në program janë përfshirë edhe pikat që janë prezantuar gjatë fushatës, ku prioritet mbetet procesi i integrimit, deri tek infrastruktura, arsimi, shëndetësia, rritja e pagave apo pensionet.
    Programi bazohet në tre shtylla, Shqipëria Europiane, Rritja Ekonomike e Qëndrueshme, Mirëqenie Për Të Gjithë.

  • Nesër prezantohet programi qeverisës, pozita kërkon debat pa kufizim kohor në Kuvend

    Nesër prezantohet programi qeverisës, pozita kërkon debat pa kufizim kohor në Kuvend

    Kryetari i grupit parlamentar të Partisë Demokratike, Gazment Bardhi, ka kërkuar në Konferencën e Kryetarëve që në Kuvend të bëhet debat pa afat për programin e qeverisë.
    “Kërkojmë të ketë debat mbi programin qeverisës dhe prezantimin e qeverisë. Është momenti i rëndësishëm dhe secili deputet duhet të ketë mundësinë e debatit”, citohet të ketë thënë Bardhi, përcjell A2 CNN.
    Kërkesa e Bardhit nuk u miratua, pasi në përfundim të mbledhjes, u vendos që koha e debatit do të jetë vetëm 10 minuta për secilin folës.
    Gjithashtu u vendos se opozita do të ketë në dispozicion të njëjtin minutazh që do të përdorë Kryeministri Edi Rama në prezantimin e programit.
     

  • 3 shtyllat e programit qeverisës ‘Rama 4’: Shqipëria Europiane, Rritja Ekonomike dhe Mirëqenia

    3 shtyllat e programit qeverisës ‘Rama 4’: Shqipëria Europiane, Rritja Ekonomike dhe Mirëqenia

    Report Tv ka siguruar programin qeverisës që kryeministri Edi Rama do të prezantojë nesër në seancën plenare të Kuvendit. Programi qeverisës bazohet në tre shtylla, Shqipëria Europiane, Rritja Ekonomike e Qëndrueshme dhe Mirëqenia për të Gjithë. 
    Pjesë nga programi 
    Shqipëria Europiane është shtylla e parë dhe busulla që i jep drejtim çdo reforme. Anëtarësimi nuk është vetëm objektiv diplomatik, por proces transformues që forcon shtetin e së drejtës, modernizon shtetin digjital, rrit integritetin e administratës, garanton sigurinë publike dhe kombëtare, dhe e vendos Shqipërinë në zemër të vendimmarrjes europiane. Europa mbi të gjitha është përfitimi i drejtpërdrejtë për qytetarët, në jetën e tyre të përditshme – në punën që bëjnë, në shërbimet që marrin, në të drejtat që gëzojnë dhe në sigurinë që ndiejnë, si pjesë e një familjeje me 450 milionë anëtarë. 
    Rritja Ekonomike e Qëndrueshme është shtylla e dytë dhe rruga që kthen vizionin në realitet. Shqipëria e re ndërtohet mbi financa të shëndosha dhe tatime të ndershme, mbi një klimë të parashikueshme për biznesin dhe mbi një treg pune që hap dyer për të rinjtë. Ajo ngrihet mbi turizmin që nuk njeh më sezone, mbi bujqësinë dhe fshatin që modernizohen me teknologji, mbi energjinë e pastër që na kthen në eksportues të së ardhmes së gjelbër dhe mbi inovacionin që u jep hapësirë brezave të rinj për të krijuar e për të konkurruar. Dhe mbi të gjitha, ajo shtyhet përpara nga një infrastrukturë moderne – porte, aeroporte, hekurudha dhe korridore rrugore – që lidh Shqipërinë me rajonin, Europën dhe botën, duke e bërë vendin tonë një nyje të re zhvillimi. 
    Mirëqenia për të Gjithë është shtylla e tretë dhe kontrata jonë me qytetarët. Ajo është kujdesi për fëmijët e vegjël që rriten në çerdhe e kopshte më të mira, është arsimi që lidhet me jetën reale dhe me Europën, është shëndetësia falas e modernizuar, janë pensionet dinjitoze dhe shërbimet sociale që mbështesin ata që kanë nevojë. Është rinia që gjen punë dhe hapësira të reja, është sporti dhe kultura që gjallërojnë përditshmërinë, është mjedisi i mbrojtur dhe ekonomia e gjelbër që bëhen pjesë e zakoneve tona të përditshme.