Raketat godasin bazën e forcave të OKB-së në Liban, plagosen katër paqeruajtës

Forca e Përkohshme e Kombeve të Bashkuara në Liban (UNIFIL) tha se katër paqeruajtës ganezë u plagosën të martën kur një raketë, që me shumë gjasa ishte gjuajtur nga “aktorë joshtetërorë”, goditi bazën e tyre në Libanin jugor.Paqeruajtësit dhe objektet u shënjestruan në tre incidente të veçanta të martën, shtoi UNIFIL.

Agresioni i Izraelit në Gaza dhe Liban po e shtyn rajonin drejt një lufte më të gjerë, është shprehur edhe ministri i Jashtëm i Arabisë Saudite, Princi Faisal bin Farhan në seancën hapëse të Samitit të G20 në Rio De Zhaniero të hënën.

Lufta në Gaza hyri në muajin e saj të 13-të këtë nëntor, me numrin e të vdekurve që vlerësohet të jetë mbi 43,000, sipas Ministrisë së Shëndetësisë të territorit. Ndërkohë, Izraeli ka bombarduar rëndë ato që thotë se janë bastionet e Hezbollahut në Liban, që nga një luftë e gjithanshme që shpërtheu më 23 shtator./ Reuters.
Burimi