Kryetari i Dhomës së Përfaqësuesve kritikon CBS-në për “’montim selektiv’ të intervistës

Kryetari i Dhomës së Përfaqësuesve të SHBA-së, Mike Johnson ka akuzuar CBS se ka montuar në mënyrë selektive intervistën e tij për të ndryshuar kontekstin e asaj që tha, duke postuar pamjet origjinale në rrjetet sociale si provë.
Ndonëse shkurtimi i intervistave të regjistruara paraprakisht për çështje kohe është një praktikë standarde, ndryshimi i përmbajtjes dhe kontekstit të deklaratave të cituara konsiderohet keqpërdorim gazetaresk. Johnson pretendoi se CBS e bëri pikërisht këtë gjatë paraqitjes së tij në episodin e së dielës të “Face the Nation”.
“Kohët e fundit kam udhëtuar në Karolinën e Veriut dhe viktimat e uraganit Helene më thanë që administrata e Biden-Harris ende nuk u kishte ofruar atyre të gjitha burimet që u nevojiteshin dëshpërimisht,” shkroi Johnson në X. “Por CBS në mënyrë selektive motoi plotësisht këtë perspektivë të përjetuar nga vetë unë.”
Ai më pas postoi segmentin që u transmetua së bashku me pamjet bruto, të cilat tregonin pjesët e hequra nga CBS-ja.
“Kështu që ata kanë nxjerrë disa fonde, por kanë shpërndarë vetëm dy për qind… Përpjekjet e shpëtimit dhe rimëkëmbjes janë ende duke vazhduar, dhe më pas ne adresojmë pjesën tjetër të saj,” i tregoi CBS-së në segmentin e parë.
Rrjeti hoqi pesë fjali të tjera në mes, duke përfshirë atë që njerëzit e Karolinës së Veriut i thanë Johnson-it se “nuk u ishin siguruar burime pothuajse dy javë pas stuhisë, që u duheshin dëshpërimisht”.
Johnson më pas ndau një shembull tjetër të montimit selektiv, në të cilin CBS hoqi të gjitha referencat ndaj qeverisë federale.
“Këtu është problemi, ka një numër shtetesh që nuk kërkojnë dëshmi të shtetësisë kur ilegalët ose joqytetarët regjistrohen për të votuar. Ne e dimë se kjo po ndodh. Të gjithë duhet të duan që ligji të ndiqet”, ishte ajo që CBS transmetoi Johnson duke thënë.
Nuk u përfshi asnjë përmendje e administratës Biden që paditi Guvernatorin e Virxhinias Glenn Youngkin për pastrimin e listave të votuesve për të përjashtuar joqytetarët, ose Johnson-in që pyeste pse Shtëpia e Bardhë do të bënte diçka që “krijon shumë dyshime dhe shqetësime në mendjet e popullit amerikan.”
Në segmentin e tretë, CBS preu të gjithë përgjigjen e Johnson-itpër pyetjen në lidhje me integritetin e votimit, duke lënë vetëm fjalinë hyrëse.
Sipas Fox News, Johnson ishte aq i neveritur nga ajo që ndodhi, saqë është zotuar të mos japë më kurrë një intervistë të regjistruar me CBS-në.
Rrjeti tashmë është përballur me kritika për intervistën e tyre ’60 Minuta’ me zëvendëspresidenten Kamala Harris, në të cilën rrjeti transmetoi dy përgjigje të ndryshme për të njëjtën pyetje në pamjen paraprake dhe në transmetimin përfundimtar. Ish-presidenti i SHBA dhe kandidati republikan presidencial Donald Trump, i cili do të përballet me Harrisin në zgjedhjet e 5 nëntorit, akuzoi CBS-në për kryerjen e “mashtrimit më të madh në historinë e transmetimit” me intervistën e Harrisit dhe bëri thirrje që t’i hiqet licenca e transmetimit.
Rrjeti ka refuzuar të publikojë pamjet bruto për të sqaruar polemikat. / New York Post – Syri.net 
Burimi