Përplasjet mes protestuesve dhe policisë! Qytetari bie përtokë, Bardh Spahia i jep ndihmën e parë

Panorama.com.al

26/11/2024

👁1489

Vazhdojnë tensionet në protestën e thirrur nga opozita në kuadër të Mosbindjes Civile.
Që në nisje të tubimit të opozitës në Tiranë sot në orën 17:00 ka pasur përplasje mes policisë dhe protestuesve.
Një qytetar nuk është ndjerë mirë gjatë protestës dhe ka rënë përtokë. Qytetari i dha ndihmën e parë ish-kryebashkiaku i Shkodrës, Bardh Spahia.

Opozita e udhëhequr nga Partia Demokratike proteston sot, përmes mosbindjes civile duke bllokuar disa akse kryesore në Tiranë.
Protesta sot është akti i tretë i Mosbindjes Civile. Forma e protestës sot është e njëjtë si herën e fundit, duke bllokuar disa rrugë përmes mosbindjes civile.
Opozita ka bllokuar Rrugën e Elbasanit, rrugën te sheshi Willson, aksin te Pallati me Shigjeta, rrugën pranë Bashkisë së Tiranës dhe rreth rrotullimin te Zogut i Zi.
Opozita kërkon krijimin e një qeverie teknike për të organizuar zgjedhjet parlamentare 2025.

NDIQE LIVE “PANORAMA TV”