Paqartësi për numrin e saktë të dëshmorëve?! Historiani: Zyrtarisht është folur për 28 mijë të rënë, por…

Historiani Marenglen Kasmi foli sot në studion e emisionit “Open” në News 24 për paqartësinë e numrit të saktë të dëshmorëve të pas Luftës së Dytë Botërore.
Ai tha se zyrtarisht në asnjë deklaratë nuk është përdorur termi dëshmor, por është përdorur termi të rënë që është një term i gjerë që përfshin edhe viktimat e luftës.
Ai tha se zyrtarisht është folur në total për 28 mijë të rënë dhe se termat të rënë dhe dëshmorë nuk janë të njëjtë. Sakaq historiani tha se në 1945 u shpallën 2 mijë dëshmorët e parë.
Marenglen Kasmi: Në fakt nuk ka asnjë fakt, se zyrtarisht është folur në total për 28 mijë të rënë, ka qenë gabim në artikulim. Në konferencën e Paqes Hoxha ka thënë se një Shqipëri prej afro 1 mln banorë ka 28 mijë të rënë, pra fjala dëshmorë nuk është artikuluar. Edhe vetë Mit’hat Frashëri në këtë konferencë thotë 30 mijë nga 28 mijë.
Këtu kemi një fenomen tjetër, dëshmorët filluar të shpallen në 1945 që vazhdon edhe sot që flasim. Edhe sot funkionon një institucion shtetëror që shpall dëshmorë. Në 1945 u shpallën 2 mijë dëshmorët e parë. Në ato 45 vite nuk ka patur vazhdimësi në këtë proces…Botimi i fundit zyrtar për dëshmorët e atdheut është në vitin 2012 ku përfshihen të gjithë dëshmorët…Besoj se të rënë është kategori gjithëpërfshirëse fillon që nga viktimat e luftës deri te luftëtaret e lirisë, është koncept më i gjerë. Më në fund pas kaq vitesh në Shqipëri kemi një regjistër të të gjithë shqiptarëve që kanë humbur jetën në këtë konflikt…çështja e statusit është e rëndësishme, ku gjëja me e nxehtë është bashkëpunimi me pushtuesit.

NDIQE LIVE “PANORAMA TV”

© Panorama.al
Burimi