Nuk bën efekt as Broja si titullar tek Evertoni, sulmuesi kuqezi jep sinjale pozitive; Notingemi ngjitet në vendin e dytë (Video)

Evertoni është mposhtur në shtëpi nga Notingam Forest në ndeshjen e vlefshme për javën e 19 të Premier Ligës. Sfida e zhvilluar në stadiumin “Goodison Park”, përfundoi 0-2 në favor të miqve.
Dy golat për skuadrën e Notingamit u shënuan nga Ud në minutën e 15 dhe Gibs Uajt në minutën e 61.
Armando Broja në krahun tjetër ishte titullar në këtë sfidë, duke krijuar disa raste e vënë në vështirësi kundërshtarët. Rastin më të mirë e pati në minutën e 44 të sfidës.

Ndërsa në pjesën e dytë ishte disi në hije. Ylli i Kombëtares shqiptare u zëvendësua në minutën e 75, për t’i lënë vendin sulmuesit, Beto.
Me këtë fitore, Notingam Forest shkon në vendin e dytë me 37 pikë. Në krahun tjetër, me 17 pikë të grumbulluara, Evertoni i Brojës zbret në vendin e 16.everton notingem forest premier liga
Burimi