Granit Xhaka ndryshon look, mesfushori shqiptar kryen transplantin e flokëve (Video)

Granit Xhaka i është nënshtruar transplantit të flokëve. Ish-kapiteni i Arsenalit ka bërë publike pamjen e re të kokës gjatë një skijimi me familjen e tij.
Pamjet nga klinika kosovare tregojnë zviceranin duke kryer transplantin e flokëve.
Në postimin e tyre shkruhej: “Zbulohet misteri! Granit Xhaka zgjedh “Ozon Hair Clinic” për flokë perfekt! Ai ia besoi flokët klinikës sonë, ku rezultatet janë të mahnitshme dhe 100 për qind natyrale për të gjithë ata që na zgjedhin”.
Në fund të videos, Xhaka buzëqeshi teksa miratoi në heshtje trajtimin nga “Ozon Hair Clinic”.
Me Bundesligën aktualisht në pushimin dimëror, Xhaka u largua drejt Kosovës me bashkëshorten Leonita, dhe dy vajzat e tyre, Ajana dhe Laneja.
Sezonin e kaluar ai luajti një rol të madh, teksa Bajer Leverkusen arriti një sezon mahnitës, duke fituar për herë të parë në histori titullin kampion.
Skuadra e Çabi Alonso kaloi të gjithë sezonin e Bundesligës pa humbje.
Xhaka me shokë gjithashtu fituan edhe Kupën e Gjermanisë, por nuk ia dolën të triumfonin në finalen e Ligës së Europës, pasi u mposhtën nga Atalanta e Berat Gjimshitit.  
granit xhaka mesfushori shqiptar
Burimi