Alen Sherri merr vendin mes shtyllave, Cagliari nxjerr në shitje portierin

Portieri i Kombëtares, Alen Sherri për të gjashtën ndeshje radhazi luajti si titullar në Serie A me Cagliarin. Shtatëlarti shkodran duket se ka fituar vendin mes shtyllave dhe trajneri Davide Nicola është bindur nga aftësitë e shqiptarit.
Tanimë Cagliari është ka marrë një tjetër hap, duke nxjerrë në shitje portierin Simone Scuffet. Gazetari Alfredo Pedulla bën me dije se Napoli ka shfaqur interes për Scuffet, duke e parë si zëvendësues të Meret.
Nëse nuk mbërrin ndonjë ofertë e mirë për gardianin, te Cagliari po mendojnë që ta shkëmbejnë atë me portierin e dytë të Napolit, Elia Caprile. Ky i fundit është një njohje e vjetër e trajnerit Davide Nicola dhe gjithçka mund të zgjidhet me një shkëmbim.
Fakt është se vetëm pak muaj në Serie A, portieri Alen Sherri ka fituar vendin mes shtyllave dhe sardët e kanë parë si të panevojshëm portierin tjetër Scuffet.
Burimi