Masakër në Poloni, të paktën 5 të vrarë dhe 10 të plagosur nga të shtënat me armë në tregun e Krakovit! Arrestohet autori, reagon Tusk

Pesë persona u vranë dhe të paktën dhjetë u plagosën në të shtënat me armë pranë sheshit kryesor të tregut në Krakov, në Poloninë jugore, sipas mediave vendase, duke cituar shërbimin zjarrfikës. Kryeministri i Polonisë, Donald Tusk, komentoi incidentin përmes një postimi në platformën X, duke deklaruar se policia po heton rastin dhe se ai po informohet për këtë nga Ministria e Brendshme. Policia polake njoftoi se sulmuesi u arrestua ndërsa po përpiqej të largohej nga vendi i ngjarjes, duke shtuar se aktualisht nuk janë duke kërkuar autorë të tjerë.