Lëpusha përtej kartolinave të Ramës: Një fshat që po braktiset në heshtje

Me një nxënëse të vetme në shkollë, pa mjekë dhe me probleme të mbartura të infrastrukturës dhe pronësisë, fshati idilik i Lëpushës po braktiset vit pas viti nga banorët pavarësisht numrit në rritje të turistëve. Kryeministri Edi Rama e ka zakon që të postojë dy apo tre herë në vit për Lëpushën, fshatin mes Alpeve në skajin më verior të Shqipërisë. “Lëpusha si zemër”, shkroi Rama në janar të këtij viti në Facebook, në krye të një postimi me foto fëmijësh që luajnë në dëborë. Pamjet, kartolina të zgjedhura me kujdes, paraqesin një atmosferë idilike. Por përtej tyre,  Lëpusha, njësoj si shumë...