Artistët: Më shumë vëmendje institucionale për artin dhe kulturën, në pritje prej vitesh për statusin e artistit

Nga Julia Vrapi Artistët kërkojnë më shumë vëmendje institucionale  në art dhe kulturë, ku gjithashtu kanë pohuar prej vitesh dhe kërkesën për statusin e artistit. Në reagimet e tyre, ata kanë theksuar herë pas here nevojën për përmirësimin e infrastrukturës ligjore në këtë fushë, ndërsa shprehin kritika dhe për institucionet. Këngëtari Gramoz Burba ish pjesëtar i Ansamblit Kombëtar të Këngëve dhe Valleve Popullore shprehet se statusi i artistit vazhdon të mungojë, megjithëse kërkesa për miratimin e tij ka vite që përsëritet në drejtim të Ministrisë së Kulturës. “Statusin e artistit deri tani nuk e kanë pasur prioritet. Kërkesa për statusin e artistit ka vite e vite, por ende asgjë. Statusi padyshim që duhet, ku duhen rregulluar edhe moshat e daljes në pension për artistët. Nuk...