Linda Rama në homazhet për babanë e Hashim Thaçit: Ditë e trishtuar! Familjes suaj i mungojnë dy burra

Bashkëshortja e kryeministrit të Shqipërisë, Linda Rama, ka marrë pjesë në homazhet për babanë e Hashim Thaçit, Haxhi Thaçi. Linda Rama i ka shprehur ngushëllimet familjes Thaçi dhe tha se e kupton mirë dhimbjen e një nëne që ka një djalë në politikë, duke e krahasuar me përvojën e saj pranë nënës së Edi Ramës.
“Erdha këtu për t’i dhënë lamtumiren bacës Haxhi. Kjo është një ditë e trishtuar dhe në këtë ditë të trishtuar jam këtu me ty nana Hyrë, jo në këmbë të Edit, por në radhë të parë se e di mirë se çfarë do të thotë të jesh prind i një politikani e posaçërisht nëna e një politikani. Në këtë ditë të trishtuar jam këtu me të gjithë familjen tuaj të cilës sot i mungojnë dy burra. E di se çfarë do të thotë të jesh bashkëshortja e një politikani, udhëheqësi, aty ku fryjnë dhe nuk pushojnë erërat e forta. Çka nuk di dot fare në këtë ditë të trishtuar është se çdo të thotë të kesh fëmijën me pushkë në dorë duke luftuar nëpër male”, tha Linda Rama.
Burimi