Shuhen flakët në Urën Vajgurore, zjarri përfshiu një sipërfaqe prej 20 hektarësh

Efektivët e Forcave të Armatosura në bashkëpunim me forcat zjarrfikëse të Qarkut Berat dhe forcat policore, kanë përfunduar me sukses operacionin për shuarjen e zjarrit që përfshiu afërsi të fshatit Skrevan në Urën Vajgurore, Bashkia Dimal.
Zjarri përfshiu një sipërfaqe rreth 20 hektarë shkurre e bimësi të mesme, ndërsa në operacion u përfshinë 20 efektivë të Forcave të Armatosura, 37 zjarrfikës, 20 efektivë policie si dhe shtatë mjete zjarrfikëse.
Paraprakisht dyshohet se shkak për rënien e zjarrit është bërë këputja e një linje të tensionit të lartë por pas rreth 8 orëve, situata u normalizua.
 
 
Burimi