Ish-polici i burgjeve gjendet i vetëv*rur në portën e manastirit në Finiq

Një ish-efektiv i Policisë së Burgjeve në Sarandë është gjetur i vetëvarur në portën e manastirit të fshatit Kostar, në Bashkinë Finiq.
Raportohet se trupi i pajetë është gjetur nga një qytetar, i cili po shkonte për të ndezur qiri në manastir.
Sipas banorit, ka qenë rreth orës 7 të mbrëmjes së sotme, kur ai është përballur me trupin e pajete të 34-vjeçarit, i varur në derën e brendshme në oborrin e Manastirit.
Menjëherë është njoftuar policia dhe në vendngjarje kanë mbërritur efektivë të Postës së Policisë Livadhja.
Viktima është identifikuar si Roland Serjani, 34 vjeç banues në Delvinë, prind i 3 fëmijëve dhe ish-efektiv i Policisë së Burgjeve në Paraburgimin e Sarandës.
Pas mbylljes së Paraburgimit, ishte punësuar si shofer në një subjekt privat në Delvinë. Policia e Sarandës ka nisur hetimet për shkaqet e ngjarjes së rëndë.
gijotina.com/
Burimi