Trump fushatë pas xhamit antiplumb: Nëse Kamala fiton, Lufta e Tretë Botërore do të ndodhë patjetër

Kandidati republikan Donald Trump mbajti aktivitetin e tij të parë elektoral të fushatës në natyrë të mërkurën që nga një atentat.Pas një xhami antiplumb, Trump nisi një sulm të ashpër ndaj rivales demokrate Kamala Harris.
Republikani pretendoi edhe një herë se zëvendëspresidentja demokrate i përket “të majtës radikale”, duke parashikuar se miliona vende pune do të shkatërrohen nëse fiton ajo.
“Kursimet tuaja të jetës do të dalin në tym”, tha Trump.
Ai listoi një numër fatkeqësish të tjera që besonte se do ndodhnin nëse Harris do të fitonte.
“Në të gjithë botën, kundërshtarët tanë e dinin se nuk mund ta merrnin Amerikën si të mirëqenë kur unë isha kreu i forcave të armatosura.. Por nëse shoqja Kamala fiton në nëntor, është praktikisht e sigurt se Lufta e Tretë Botërore do të ndodhë,” shtoi ai.
Me Harris që tërhoqi turma entuziaste që kur zëvendësoi Joe Biden në krye të biletës së Demokratëve, ngjarja në Asheboro ishte një shans për Trump që të rimarrë dominimin e tij të gjatë në organizimin e mitingjeve spektakolare.
 
j.l./ dita
Burimi