Gjyqi ndaj Benet Becit, kryebashkiaku i Shkodrës nuk është i pranishëm

Seanca gjyqësore në GJKKO ndaj kryebashkiakut të Shkodrës Benet Beci ka nisur këtë të hënë. Siç raporton gazetarja Anila Hoxha, Beci nuk është i pranishëm, përfaqësohet përmes avokatit Ervin Metalla. Të pranishëm në seancë janë vetëm dy të pandehur, Premtim Dauti dhe Rudin Gjoni. Pas kërkesës së prokurorisë, për shkak të mungesës së mbrojtjes së të pandehurve, gjykata shtyu seancën. Gjykata paralajmëroi të mos ketë mungesa të paarsyetuara. Seanca e radhës shtyhet për 2 korrik, ora 15:00.