Aksidenti tragjik, shoferi i moshuar përplasi me makinë nënën me fëmijën 3 vjeç! I vogli humbi jetën në spital

Një aksident tragjik u shënua pasditen e sotme në aksin rrugor Korçë–Ersekë, në fshatin Kamenicë. Ka qenë ora 16:30 minuta kur automjeti tip "Nisan", me drejtues shtetasin Sh. V., 76 vjeç, ka përplasur dy këmbësorë (nënë e bir), shtetasen Sh. M., rreth 44 vjeçe, dhe djalin e saj të mitur, rreth 3 vjeç. Si pasojë e aksidentit, në spital ka ndërruar jetë fëmija i mitur, ndërsa shtetasja Sh. M, po merr ndihmë mjekësore, jashtë rrezikut për jetën. Policia shoqëroi në Komisariat drejtuesin e automjetit, shtetasin Sh. V., për kryerjen e veprimeve procedurale. Grupi hetimor ndodhet në vendngjarje dhe po punon për zbardhjen e rrethanave të aksidentit.