Aksioni i IKMT në Theth/Banorët bllokojnë rrugën në hyrje të fshatit turistik

Banorët e Thethit kanë bllokuar rrugën në urën kryesore të hyrjes në fshatin turistik. Siç raporton Tv Klan, në vendngjarje janë të pranishëm policia dhe drejtori i Policisë Vendore Shkodër, Fatmir Lleshaj. Veprimi i banorëve vjen në kuadër të kundërshtimit të aksionit të IKMT-së, e cila edhe sot ka planifikuar prishjen e disa ndërtimeve pa leje në zonën turistike. Banorët e Thethit kanë kundërshtuar me forcë prishjen e objekteve, duke e konsideruar aksionin të padrejtë dhe të papërshtatshëm për një zonë që varet nga turizmi.