Vrasja e Egli Progës ende mister! Trondit e motra: Vllain e masakruan brenda në lokal, njëri e nxorri jashtë të jepte shpirt

Jonida Proga

TIRANË- Vrasja e Egli Progës më 10 gusht 2024 në Pogradec e cila ka sjellë reagime të shumta, ende mbetet mister. Si fillim ngjarja u raportua si aksident, ku u tha se viktima humbi jetën pasi u rrëzua në rrugë, por pas pretendimit të familjarëve se ishte dhunuar, rezultoi se ai vdiq si pasojë e plagëve të marra nga dhunimi që iu bë nga Denis Meçe. E ftuar në emisionin ‘Opinion’ Jonida Proga thotë se ka bindjen që pas vrasjes së vëllait të saj fshihet jo 1, por disa autorë, për të cilët shprehet se e kanë thirrur brenda lokalit Eglin, duke thënë se ky i fundit nuk ka hyrë rastësisht në lokal. 
Motra e të ndjerit ka treguar detaje të reaj tronditëse, ku sipas saj ndryshe nga sa është raportuar dhunimi i tij nuk ka ndodhur në rrugë, por brenda ambjenteve të lokalit ku ai ndodhej. Sipas saj, Egli Proga nuk ka hyrë rastësisht në lokal por është e kanë thirrur. Motra rrëfen se goditja fatale i është dhënë brenda në lokal.
Blendi Fevziu: Cili është versioni që i keni krijuar ngjarjes në bazë të dëshmive që keni marrë nga njerëzit e njohur, jo nga versioni që ka policia?
Jonida Proga: Egli është dhunuar dhe masakruar brenda lokalit nga disa veta, nga Leonidha, Arjan Manellari, kemi edhe shtupaxhiun, Voltan Shollakun që ka qëndruar duke pastruar. Prandaj që në fillim jam përmbajtur.
Blendi Fevziu: Ju pretendoni se vëllanë tuaj e kanë thirrur dhe se ai nuk ka hyrë rastësisht në kafe?
Jonida Proga: E kanë thirrur, nuk ka hyrë rastësisht. Njerëzit i dinë të gjitha, por kanë qenë të pakët ata që kanë guxuar të thonë. Të gjithë kanë frikë nga një terror që është krijuar nga ideja e njerëzve të fortë në Pogradec, kur panë të përfshirë dhe policinë, çfarë do të mbajë të sigurtë se u krijua opinioni publik që policia ishte aty.
Blendi Fevziu: Ideja është që vëllai është thirrur në kafe nga personat?
Jonida Proga: Personi i fruta-perimeve që po them unë që kam dalë duke takuar njerëz, duke i pyetur që më kanë thënë që është kthyer tek lokali. Po jam e sigurtë që e kanë thirrur. Është masakruar brenda lokalit me disa goditje nga disa autorë. E ka nxjerrë jashtë njëri nga këta që të japë shpirt. Goditjet fatale janë dhënë brenda. Më vijnë mesazhe pafund që thonë se dëgjuam brenda të goditura, të ulëritura dhe të shara. Nuk mund të ja thonë një policie që është bërë palë.
/ZËRI
Burimi