TikTok do mbyllet, POR shqiptarët s’dorëzohen! REKORD shkarkimesh të VPN

Foto ilustruese

TIRANË- Mundësia për mbylljen e aplikacionit “TikTok” ka “trembur” shqiptarët. Pas shpalljes së vendimit të qeverisë  për të  mbyllur aplikacionin, shqiptarët kanë marrë “masat” e tyre; dhe madje menjëherë! Përdoruesit e rrjetit social kanë nisur që të kërkojnë alternativa për të siguruar lundrimin në aplikacion, duke kërkuar mundësi për të ndryshuar lokacionin e përdorimit. “Proton VPN“, shërbim VPN i operuar nga një kompani zvicerane ka pasur një “boom” shkarkimesh në celularë.

Sipas tyre, përdorimi i ProtonVPN në Shqipëri është rritur 1200% dhe ende nuk ka të ndalur. 

Proton VPN

“Shqipëria ka urdhëruar sot ISP-të të bllokojnë #TikTok-un. Përdorimi i #ProtonVPN-it ka nxitur rritje prej 1,200% mbi nivelin bazë dhe ky numër po rritet ndërsa Shqiptarët vazhdojnë të kërkojnë qasje në një internet të hapur dhe të lirë,“-shkruan kompania në rrjetin “X”.

Proton VPN

Autoriteti i Komunikimeve Elektronike dhe Postare ka kërkuar zyrtarisht mbylljen e aksesit në platformën sociale “Tik Tok” deri më datë 13 mars, por mbyllja nuk ka ndodhur ende. Për mbylljen e aplikacionit do të bllokohen IP e Tik Tok në territorin e Shqipërisë, DNS e TikTok, SNI (Server Name Indications) të Tik Tok dhe IP e kompanisë ByteDance në territorin e Shqipërisë.

Të ndodhur para vendimit për mbylljen e aplikacionit, më datë 15 opozita e vendit ka lajmëruar mbajtjen e një proteste, ku kanë kërkuar që të jenë pjesëmarrës të gjithë që nga nxënësit e shkollave deri tek prindërit e tyre.

Më shumë se dy muaj pas njoftimit, Këshilli i Ministrave miratoi vendimin për mbylljen e TikTok për 1 vit në Shqipëri. Brenda një jave apo 10 ditësh, shqiptarët nuk do të mund të aksesojnë më platformën “Tik Tok”. Vendimin e marrë e ka njoftuar Ministrja e Arsimit, Ogerta Manastirliu, e cila pas mbledhjes së Këshillit të Ministrave bëri me dije se për 12 muaj, “Tik Tok” nuk do të mund të funksionojë më brenda territorit të Shqipërisë. Mbyllja e platformës u njoftua nga kryeministri Edi Rama në 21 dhjetor, pas një konsultimi publik. Shkak i nismës u bë vrasja e 14-vjeçarit Martin Cani, pasi një grup nxënësish u përfshinë në sherr me thika pranë shkollës ‘Fan Noli’ në Tiranë më 18 nëntor 2024. Sa i përket vendimit, TikTok ka deklaruar se nuk ka prova që incidentet e dhunshme të përmendura janë të lidhura drejtpërdrejt me platformën e tyre./ZËRI

protonjpg

gl7qc 3w8aasjjy