Sulm me thikë në një qendër tregtare në Izrael

Pamje nga vendi i ngjarjes

Një person u vra dhe një tjetër u plagos në një sulm me thikë këtë të mërkurë në një qendër tregtare në qytetin verior izraelit Karmiel, thanë policia izraelite dhe mjekët, duke shtuar se sulmuesi u qëllua për vdekje. Policia e konsideron sulmin terrorist, duke lënë të kuptohet se është i lidhur me konfliktin izraelito-palestinez.
Uebfaqja izraelite e lajmeve Ynet e quajti sulmuesin e supozuar si Yud Rabia nga Nahaf, një qytet izraelit ku jetojnë shumë anëtarë të pakicës arabe. Asnjë grup nuk ka marrë përgjegjësinë për sulmin, megjithëse Xhihadi Islamik e quajti sulmin një “operacion heroik”.

Initial reports of a terror attack: a short time ago a report was received at the police headquarters about a stabbing incident in the city of Karmiel during which 3 men were critically injured. The terrorist was neutralized at the scene and many Northern District police forces… pic.twitter.com/7C2LeGBxRA
— ILTV Israel News (@ILTVNews) July 3, 2024

Magen David Adom (MDA), agjencia izraelite e ndihmës së parë, tha se kishte dërguar dy burra rreth të 20-tave në Spitalin Galilee në Nahariya. Njëri prej tyre ishte në gjendje kritike dhe po qëndronte në reanimacion, ndërsa tjetri ishte në vetëdije edhe pse në gjendje të rëndë.
Videot e marra nga dëshmitarët okularë të sulmit dhe të transmetuara nga televizioni izraelit tregojnë skenën ku filloi sulmi në një qendër tregtare. Ato tregojnë siluetën e një burri të shtrirë me fytyrë përtokë dhe një tjetri të shtrirë në shpinë me gjurmë gjaku pranë tyre./ZËRI
Burimi