Si u mor intervista me Erion Veliajn? Grida Duma nxjerr mesazhet: Ja e vërteta e përgjimeve
Erion Veliaj dhe Grida Duma
TIRANË-Drejtuesja e emisionit Top Story, Grida Duma ka sqaruar mënyrën e realizimit të intervistës së kryebashkiakut të Tiranës, Erion Veliaj. Raportohet se prokuroret Dado dhe Dumani kane paraqitur disa përgjime audio nga paraburgimi, ku Veliaj flet me vëllanë e tij dhe përveç detajeve te tjera, kryebashkiaku shprehet i shqetësuar për intervistën e tij në Top Story.
Duma theksoi se ka qenë zyra e Bashkisë Tiranë që ka kontaktuar me redaksinë e Top Story për intervistën e Veliajt. Më pas ka qenë redaksia që i ka dërguar 5 pyetje zyrës së Bashkisë Tiranë, ku Duma thekson se nuk ka pasur asnjë komunikim me kryebashkiakun, i cili ndodhet në paraburgimin e Durrësit.
Grida Duma: Intervista kemi qenë bashkë Alban në studio, ka qenë ekskluzive për Top Story, e cila i është drejtuar redaksisë dhe jo mua nga zyra e shtypit të bashkisë, një nga rastet më protokollare të mundshme. Kur merret një intervistë flitet me autoren e emisionit, apo moderatoren. Unë nuk kam për detyrë që t’i tregoj askujt ndonjë komunikim, por dua t’i tregoj publikut standardin moral me të cilin vendosem me të gjithë politikanët. Një gjë është e sigurt, që ne flasim me politikanët, s’do të kishte qenë asnjë çudi, që s’kemi folur në rastin konkret as me Erion Veliajn, unë jo e jo, me zotërinë që është i vëllai unë nuk e njoh fare dhe nuk ka folur as redaksia, por bashkia me redaksinë e Top Story. Që në Top Story do të vijë Erion Veliaj, X, Y, nuk besoj se është habi, edhe s’kemi ndodnjë arsye përse ndodji Top Story. Që të preket ky dimension në mënyrën e paduhur që t’i bëjë të gjithë njësoj nuk mendoj se na takon të heshtim kur bëhet fjalë për SPAK-un. Unë do të shfaq për të njëjtin standard atë zbardhje të përgjimeve që është në të drejtën e SPAK të bëjë çfarëdolloj përgjimi që e sheh të arsyeshëm sepse e di në cilën anë të drejtësisë morale qëndrojmë ne dhe sepse e di nëse janë ato përgjime që janë që e di që janë si do të jenë për Top Story dhe Top Channel dhe kredibilitetin. Unë do të pres derisa të dalë ajo dosje, por unë dua t’i sqaroj publikut se komunikimi ka qenë me redaksinë, i kemi dërguar ne 5 pyetje, një herë me zë dhe pastaj i ka zbardhur dhe ia ka çuar përsëri redaksia bashkisë së Tiranës, nuk ka lëvizur zotëria asnjë pyetje shtesë që të ketë dashur të thotë që më duhet edhe kjo. Sigurisht që Erion Veliaj e ka në dixhiturën e vet që median do ta ketë pjesë të jetës së vet publike dhe e ka pasur sipas meje me një tepri të caktuar. Kjo është çështja dhe zgjedhja e tij se sa e do ai hapësirën mediatike, se sa e rëndësishme është hapësira mediatike në situate krizash politike këtë e tregon vetë realiteti. Në atë intervistë. I lutem regjisë për t’i kujtuar edhe të tjerëve. Ka qenë një intervistë e shkruar me dorë nga Veliaj, në atë emision kemi pasur një jurist që tha se Olsi Dado është një prokuror që nuk mund të lëvizë nga çështja, duke e nisur me pyetjen tonë të parë, përse ti indimidon prokurorin duke e ditur që ke pasur konflikt interesi. Nuk dua t’i rikthehem atij emisioni, se do t’i rikthehem kur ajo dosje të shfaqet për të treguar standardin në të cilin e bëjmë ne. Nëse janë përgjime reale unë e di se çfarë mund të jetë thënë për Top Story dhe nuk mendoj se ka qenë çështje influence pozitive se e di çfarë ndodh me mua dhe me ne, por këtë do ta presim kur në të njëjtin wall të shfaqet ajo dosje dhe të mësojmë se çfarë është thënë për Top Story që nuk ka qenë as avantazhuese, as avantazhuese, por besoj ka qenë në standarde dhe do shihet.
