Shpërthim me tritol në Shkodër, hidhet në erë agjensia funerale

SHKODËR- Në orët e para të mëngjesit një lëndë plasëse është hedhur në një agjenci funerale, në afërsi të urgjencës së spitalit rajonal të Shkodrës.
Ngjarja ka ndodhur në lagjen “Skënderbeg” në orën 03:20 dhe agjencia ndodhet në pronësi të shtetasit F.F.
Si pasojë ka vetëm dëme materiale.
Grupi hetimor nën drejtimin e Prokurorisë vijon veprimet për sigurimin e provave me qëllim identifikimin dhe kapjen e autorit/ve.
Nga dyshimet e para policia mendon se kjo ngjarje mund të lidhet me konkurrencën mes agjencive funerale në Shkodër por nga ana tjetër po hetohen edhe pista të tjera të mundshme.
Burimi