“Ishin njerëz të qetë”/ Shqiptari vrau gruan dhe veten në Selanik, flasin fqinjët: Ishin familje normale!

Pamje nga vendi i ngjarjes

SELANIK– Zbulohen detaje të reja lidhur me vrasjen e ndodhur në Selanik, ku një shqiptar vrau të shoqen dhe veten. Sipas medias greke “Protothema“, 44-vjeçararja shqiptare, e paidentifikuar me emër u vra me thikë nga bashkëshorti 53-vjeçar. Edhe pse nuk e dinte që i kishte marrë jetën të shoqes, shqiptari u hodh nga ballkoni i banesës.

Fatmirësisht, në momentin e vrasjes, dy fëmijët e çiftit, 16 dhe 21 vjeç, nuk ndodheshin në banesë.

Sipas vëllait të 44-vjeçarit, i cili sapo u informua shkoi në banesën ku ndodhi vrasja, çifti nuk debatonte dhe nuk kishte dijeni se kishin probleme.

“Ishin njerëz të qetë”

Njëkohësisht, fqinjët e familjes shqiptare treguan se nuk kishin dëgjuar asnjë përleshje në të kaluarën dhe as sot kur ka ndodhur krimi. Një fqinj tha se ata ishin njerëz të qetë dhe se kurrë nuk kishin dëgjuar asgjë prej tyre.

“Jemi në banesën ngjitur dhe nuk kemi dëgjuar as zhurmë, as zhurmë, asgjë. Ata shkonin në punë, ishin një familje dhe kishin fëmijë. I pamë në ballkon. U largova në mëngjes dhe nuk dëgjova asgjë. Ata ishin qiramarrës të rinj dhe vajza e tyre na kishte pyetur për punë. Ne i thamë të shkonte në një fabrikë ëmbëlsirash. Ata e punësuan dhe ajo na solli edhe byrekë me djathë,”-tregoi fqinji.

Një fqinj tjetër tha: Nuk i kam dëgjuar kurrë të debatojnë. Nuk kishin probleme financiare, sepse punonin të dy. Imazhi i tyre ishte i një familjeje normale. Se çfarë ka ndodhur mes tyre e dinë vetëm ata dhe fëmijët e tyre.

Si ka ndodhur ngjarja?

53-vjeçari me origjinë shqiptare qëlloi me thikë në bark dhe qafë bashkëshorten e tij, për arsye që ende nuk dihen. Ngjarja ndodhi teksa ajo kishte dalë në ballkon. Gruaja vdiq nga gjakderdhja, ndërsa i shoqi u hodh nga ballkoni i katit të dytë. Teksa dërgohej me urgjencë në spital, ai dha frymën e fundit në ambulancë. hetimet kanë nisur për të mësuar se përse ka ndodhur ngjarja./ZËRI