DINAMIKA E PLOTË/ Si nisi konflikti? Selmani donte të fuste djalin në Kombëtaren kuqezi, Duka nuk pranoi

Nazmi Selmani, Gentian Selmani dhe Armand Duka

TIRANË- ZËRI ka zbardhur dinamikën e plotë të konfliktit mes drejtuesit të klubit “Iliria”, Nazmi Selmani dhe Presidentit të Federatës Shqiptare të Futbollit, Armand Duka. Qëllimi i Selmanit ka qenë angazhimi i djalit të tij, Gentian Selmani në ekipin e kombëtares kuqezi.
Selmani i është rikthyer një vit më parë futbollit, pasi për gjashtë muaj rresht ka qenë i dëmtuar.

Gentian Selmani

Aktualisht, ai është angazhuar si portier në ekipin e Tiranës, por babai i tij ka dashur që i biri të veshë fanellën kuqezi. Dhe duke qenë se grumbullimi nis nesër, Selmani ka kontaktuar Dukën për t’ia kërkuar këtë nder, por Presidenti i FSHF-së nuk ka pranuar.

Gentian Selmani

Nazmi Selmani i ka angazhuar të katër djemtë në futboll, Gentian Selmanin, Brajan Selmanin, Santiago Selmanin dhe Adolf Selmanin, por në klubin “Iliria”, të cilin e drejton vetë.

Gentian Selmani

Mosrealizimi i dëshirës nga ana e Dukës, që do të përmbushte ëndrrat e tij dhe të djalit, ka bërë që Nazmi Selmani të nisë mesazhe kërcënuese kundrejt Presidentit të FSHF-së.
“…..pyte nonen e kalamajve tuj pyti fmijt e tuj a i kam bo un me qajt…,”- ka shkruar në mesazh Selmani.
Më pas, bashkë me djemtë e tij dhe një tjetër person i ka shkuar në banesë Dukës, në qytetin e Durrësit, sërish për ta kërcënuar.
Pas denoncimit, autoritetet kanë vënë në pranga:
-Nazmi Selmani, President i klubit “Iliria”,
-Redian Loci
-Petrit Selmani
si dhe dy djemtë e Presidentit të klubit “Iliria” që janë futbollistë në të njëjtin ekip,
-Brajan Selmani 20 vjeç dhe
-Santiago Selmani 22 vjeç.
Dy të tjerët, Adolf Selmani 24 vjeç dhe A.S, 39 vjeç, të dy banues në Krujë, janë proceduar në gjendje të lirë. 

af96bf38 abdb 403a ae1c 6ae612519601

064a79ca 6d7f 4da2 8115 b745533558cf

0e7d6b46 7062 48e5 adb2 c6780c4c7352
Burimi