Vlora turistike e Ramës pa ujë prej javësh, qytetarët: S’kemi as me çfarë lahemi

Denoncime të shumta kanë lidhur mungesën e ujit në qytetin bregdetar dhe turistik të Vlorës. Sipas qytetarëve të shumtë, qyteti i Vlorës ndodhet prej më shumë se dy javësh në një krizë të rëndë uji, duke goditur jo vetëm jetesën e banorëve, por edhe sezonin turistik që sapo ka nisur. Në lagje të ndryshme të qytetit, furnizimi me ujë mungon totalisht ose vjen për vetëm 20 minuta në ditë, duke e bërë të pamundur përballimin e temperaturave të larta dhe nevojave bazë të përditshme. Mësohet se ka pasur ndërprerje në furnizimin me ujë si pasojë e stakimeve të energjisë elektrike...