Mitsotakis telefonon Kryepeshkopin Joani: Kisha e Shqipërisë pikë uniteti mes dy vendeve

Kryepeshkopi Joan ka marrë sot një telefonatë urimi nga kryeministri grek, Kyriakos Mitsotakis pas zgjedhjes së tij në krye të Kishës Ortodokse Autoqefale të Shqipërisë.

Lajmin e ka bërë të ditur vetë kreu i qeverisë greke, i cili shkruan në median sociale X se Kisha e Shqipërisë është pikë uniteti mes dy vendeve.
“Besimi ynë i përbashkët është se Kisha e Shqipërisë është një pikë uniteti dhe mirëkuptimi të ndërsjellë midis dy popujve. Ne do të vazhdojmë të punojmë në këtë drejtim, duke nderuar kujtimin dhe veprën e të Lumuarit Anastasios. Kam kontaktuar Fortlumturinë e Tij, Kryepeshkopin Ioannis të Tiranës, Durrësit dhe gjithë Shqipërisë, dhe e urova për zgjedhjen e tij”, shkruan Mitsotakis.

Top Channel
Burimi