Kundër kontrabandës së armëve e municioneve! Policia aksion në Kosovë, në jug dhe veri të Mitrovicës, 16 të arrestuar
Policia e Kosovës po zhvillon një operacion policor, për të zbuluar rastet e kontrabandës së armëve dhe municioneve.
Aksioni po zhvillohet në 21 lokacione në këto dy komuna, si rezultat janë arrestuar 16 persona, me urdhër të prokurorit 13 prej tyre janë dërguar në mbajtje si të dyshuar për veprat penale detyrim, kontrabandë me armë etj.
Gjatë kontrollit në këto lokacione janë gjetur armë e municion, tregojnë nga prokuroria Themelore e Mitrovicës.
“Mund të konfirmojmë se, sot në orët e hershme të mëngjesit, Policia e Kosovës në bashkëpunim dhe koordinim me institucionet kompetente, ka filluar realizimin e një operacioni policor i cili përfshinë dy rajone të Kosovës, atë DRP Mitrovicë Jugu dhe DRP Mitrovicë Veri.
Operacioni policor ka të bëjë me luftimin e veprimtarive kriminale, të kontrabandimi me armë dhe municion”, njofton policia.
Pas përfundimit të operacionit policor, do të bëhen publike informacione shtesë, raportohet nga policia.
Top Channel
Burimi
