“Autorët do mbajnë përgjegjësi”/ Tragjedia në Koçan, kryeministri maqedonas: Do të kontrollohen të gjitha dokumentet!

Kryeministri Hristijan Mickoski, në një tjetër deklaratë për mediat, u zotua se autorët e tragjedisë që la pas 59 viktima të Koçan, do të mbajnë përgjegjësi.

Ai tha se organet hetuese kanë marrë tashmë urdhër për të ushtruar kontrolle në brendësi të ambienteve të Komunës së Koçanit.
“Se sa është përgjegjësia e kryetarit të Komunës së Koçanit do të vendos Prokuroria. Kryetari në dorëheqjen e tij ka shkruar se është në dispozicion të drejtësisë. Sot organet hetuese do të hyjnë edhe në Komunë. Dhe do t’i kontrollojnë të gjitha dokumentet. Në rast se ju pretendoni se ai është nga radhët e VMRO-se dhe se ne po e mbrojmë, jeni gabim. Ne nuk do te mbrojmë askënd edhe sikur te jete Shenjtori i Partisë“.

Top Channel
Burimi