Merkel: Evropa, drejt shkatërrimit nëse….

Ish-kancelarja gjermane Angela Merkel ka deklaruar se Evropa kërcënohet me shkatërrim nëse nuk rrit shpenzimet e mbrojtjes, raportojnë mediat gjermane.
Ajo pranoi se shpenzimet e mbrojtjes nga vendet evropiane duhet të rriten në mënyrë drastike në mënyrë që kontinenti evropian të mund të kujdeset për mbrojtjen e tij, në vend që të mbështetet tek Shtetet e Bashkuara.
Sipas saj, Evropa nuk do të jetë në gjendje të anashkalojë përmbushjen e kërkesës së NATO-s për të ndarë dy për qind të prodhimit të saj të brendshëm bruto (PBB) për mbrojtjen.
Kritika ndaj Donald Trump
Merkel paralajmëroi se Evropa përballet me shkatërrim nëse nuk bashkohet rreth qëllimit për të ndarë më shumë fonde për mbrojtjen.
“Ka raste kur pyes veten nëse kemi rritur mjaft shpejt shpenzimet e mbrojtjes,” tha ish-kancelarja.
Presidenti i SHBA-së, Donald Trump shpesh e ka kritikuar Gjermaninë për refuzimin e plotësimit të kërkesave të NATO-s për shpenzimet e mbrojtjes, ndërsa nën Merkelin shpenzoi miliarda euro për të blerë gazin rus.
Qeveria e ardhshme e pasardhësit të saj, Friedrich Merz, tani po kërkon të ndryshojë kushtetutën për të financuar shpenzimet e reja të mbrojtjes duke hequr kufirin e borxhit. /tesheshi.com/
Burimi